BQO ákiminiń orynbasary men bas memlekettik sanıtar dárigeri ekpe saldyrdy
ORAL. QazAqparat – BQO ákiminiń orynbasary Aıdar Nuralıev pen bas memlekettik sanıtar dárigeri Muhamǵalı Aryspaev alǵashqylardyń qatarynda koronavırýsqa qarsy ekpe saldyrdy, dep habarlaıdy QazAqparat tilshisi.
Bir ampýla bes adamǵa eseptelgendikten, qaladaǵy №1 emhanada M.Aryspaev jáne A.Nuralıevpen birge úsh medıtsına qyzmetkeri ekpe saldyrdy.
Olardyń ekeýi oblystyq juqpaly aýrýlar aýrýhanasyna qyzmetke barady. Bireýi adamdardy súzgiden ótkizetin jerde jumys isteıdi.
Oblys ákiminiń orynbasary Aıdar Nuralıev adam óziniń ómirine senimdi bolýy úshin synnan ótken vaktsınadan qoryqpaý qajettigin jetkizdi.
M.Aryspaev indetti jeńý úshin óńir turǵyndarynyń basym kópshiligi ekpe saldyrýy, sonymen qatar adamdardyń sanıtarlyq talaptardy múltiksiz saqtaýy kerektigin atap ótti.
Búginnen bastap emhanalardaǵy 26 ekpe pýnktinde reseılik «Spýtnık V» vaktsınasy egilýde. 15 aqpannan bastap Qaraǵandy farmatsevtıkalyq kesheni negizinde shyǵarylǵan Gam-COVID-Vak vaktsınasy qosylady. Al bıylǵy ekinshi toqsannan bastap otandyq QazCovid-In preparatyn iske qosý kózdelýde.
Eske sala keteıik, budan buryn Batys Qazaqstanda koronavırýsqa qarsy ekpe jumystary bastalǵanyn, óńirde bir aptada 665 adamnyń indet juqtyrǵanyn jazǵan bolatynbyz.
