BQO ákimi jazýshy Qaıyr Quraqulanǵa qurmet kórsetti
ORAL. 13 naýryz. QazAqparat - Batys Qazaqstan oblysynyń ákimi Nurlan Noǵaev 13 naýryz kúni qalamger, Qazaqstan Jazýshylar odaǵynyń múshesi Qaıyr Quraqulandy (Qaıyr Bekturǵanov) 75 jasqa tolýyna oraı qabyldap, qurmet kórsetti.
Oblys basshysy Qaıyr Quraqulandy úlken jazýshy retinde biletindigin aıtyp, jyly lebizin bildirdi.
Kezdesýde qazirgi ádebıettiń tynys-tirshiligi, jazýshylar kitabyn baspadan shyǵarý jáne oqyrmanǵa jetkizý máseleleri sóz boldy. Aıtalyq, Qaıyr Quraqulan áli eki kitapqa jeterlik dúnıeniń bar ekendigin, bul shyǵarmalar ortalyq baspalardan jaryq kórse degen tilegin jetkizdi.
Qaıyr Quraqulan - 1982 jyldan Qazaqstan Jazýshylar odaǵynyń múshesi, kóptegen kitaptardyń avtory. 1976 jyly «At jaly» povesi úshin «Jalyn» baspasynyń respýblıkalyq jabyq báıgesinde júldeger atanǵan jazýshy.
