BQO ákimi senbilikke qatysyp, qos birdeı mekeme ujymymen kezdesti (FOTO)
ORAL. QazAqparat - Búgin oraldyqtar jalpyqalalyq senbilikke shyqty.
Óńir basshysy Altaı Kólginov men qala ákimi Narıman Tóreǵalıev Almazov kóshesi jáne Eýrazııa dańǵyly boıynda aǵash kóshetterin otyrǵyzýǵa qatysty.
Oblys ákiminiń aıtýynsha, búgin shaharda 600-den astam jas óskinder egildi. Al 16 sáýir - Búkilqazaqstandyq aǵash otyrǵyzý kúni el táýelsizdiginiń 25 jyldyǵyna oraı 25 myń túp aǵash otyrǵyzylmaqshy.
A.Kólginov senbilik barysynda «Jaıyq jaryǵy» jáne «Taza qala» JShS ujymdarymen kezdesip, qos mekeme aldynda turǵan mindetterdi atap kórsetti. Sońǵy kezde qalada jaryq shamdarynyń kóbeıip, baǵdarshamdardyń qaltqysyz qyzmet etýi «Jaıyq jaryǵy» JShS qyzmetkerleriniń nátıjeli eńbegin kórsetse, endi kóktem shyǵyp, jer kepkennen keıin tazalyq jumystaryna basa nazar aýdarylýy tıis. Sondaı-aq jol belgilerin salý, jol jolaqtaryn jańǵyrtý sııaqty ister de kezek kútip tur. Oblys basshysy «Taza qala» JShS qyzmetkerlerine tazalyq jumysyna belsene qatysqandary úshin alǵysyn bildirip, birqataryna alǵyshattar tabys etti.
Aıta keteıik, Oralda sanıtarlyq tazalyq aılyǵy aıasynda birneshe senbilik uıymdastyrylyp, shahardy qoqystan aryltý, aǵash otyrǵyzý isteri jalǵasady.
