BQO ákimi «sary qyzdyń» elesine baılanysty túsinik berdi
NUR-SULTAN. QazAqparat – Qaratóbe aýdany Jýsandyoı aýyldyq okrýgi Hankól eldi mekeninde «sary qyz ben ájeıdiń» elesi kórinetini týraly aqparatqa BQO ákimi Ǵalı Esqalıev túsinik berdi, dep habarlaıdy QazAqparat tilshisi.
Ǵ.Esqalıev Ortalyq kommýnıkatsııalar qyzmeti alańynda ótken brıfıngide jýrnalıstiń osyǵan oraı qoıǵan saýalyna jaýap berdi.
«Biz kúnbe-kún quqyq qorǵaý organdarynan málimet alyp otyramyz. Mundaı oqıǵa tirkelgen joq. Jergilikti polıtsııa organdary ony nazarda ustaıtyn bolady», -dedi ákim.
Atalǵan eldi mekende sary qyzdyń elesi kórinip, jergilikti jurtty shoshytyp jatqany týraly áleýmettik jelide aqparattar taraǵan bolatyn. Osyǵan oraı aýylda sanıtarlyq talapqa sáıkes ashyq jerde az adam jınalyp, marqumdar rýhyna quran da baǵyshtalǵan.
