BQO ákimi órt sóndirýge qatysty (FOTO)
ORAL. QazAqparat - Oblys basshysy Nurlan Noǵaev tikushaqpen Aqjaıyq aýdany Býdarın aýyldyq okrýgi aýmaǵynda júrgizilip jatqan órt sóndirý jumystaryna qatysty.
Osy aýmaqta keshe tikushaqpen órtenip jatqan 2 myń gektardaı jerge 36 tonna sý shashylǵan. Tikushaqpen sý shashýdyń óz ereksheligi bar. Ol ár ushqanynda 5 tonna sýmen kóterilip, órttiń jel jaǵynan shasha alady. Sonymen qatar órttiń jerden de sóndiriletini belgili. Qazirgi tańda atalǵan aýmaqta órt sóndirilgen, tek qaıta qozdaý qaýpi bolǵandyqtan, erekshe baqylaýda. Osy oraıda óńir basshysy órt sóndirý kezinde adamdar men tehnıkanyń qaýipsizdigin basty nazarda ustaý qajettigin eskertti.
Eske sala keteıik, bıyl óńirde órt jıilep tur. Sonyń ishinde Oral qalasy mańynda birneshe órt oqıǵasy oryn alyp, onyń ormandy, saıajaı aýmaqtaryn jáne temir joldy sharpyǵany málim.
