BQO ákimi basshylyq qyzmetter atqarǵan E.Ájibaevty qabyldady
ORAL. 14 naýryz. QazAqparat - 14 naýryz kúni oblys ákimi Nurlan Noǵaev óńirde basshylyq qyzmetter atqarǵan Esbergen Ájibaevty zeınetkerlikke shyǵýyna baılanysty qabyldady.
Oblys basshysy óńirdiń damýyna súbeli úles qosqan azamattyń eseli eńbegine rızashylyǵyn bildirip, alǵyshat tabystady.
Esbergen Ájibaıuly alǵashqy eńbek jolyn týǵan jeri Jańaqala aýdanynda qarapaıym jumysshydan bastaǵan. 1972 jyly Saratov maldárigerlik ınstıtýtyn támamdap, oblystyń aýyl sharýashylyǵy salasynda qyzmet etti. Ótken ǵasyrdyń toqsanynshy jyldary Syrym aýdanyn basqardy. 2000 jyldan QR Memlekettik qyzmet isteri agenttiginiń oblystyq basqarmasynda laýazymdy qyzmetter atqardy.
E.Ájibaev el aldyndaǵy eńbegin eskerip, qurmet kórsetkeni úshin oblys basshysyna rızashylyǵyn bildirdi.
