BQO ákimi apattan qaza tapqan ushqyshtyń otbasyna kómek etýdi tapsyrdy
ORAL. QazAqparat - BQO ákimdigi 3 qazan kúni Almaty oblysyndaǵy áýe apaty kezinde qaza tapqan ushqysh Evgenıı Kýtafınniń otbasyna kóńil aıtty, dep habarlaıdy «QazAqparat» tilshisi.
BQO ákiminiń baspasóz qyzmetinen túsken málimetke qaraǵanda, osyǵan oraı óńir basshysy Altaı Kólginov ushqyshtyń otbasyna qajetti kómek pen qoldaý kórsetýdi tapsyrdy.
Marqumnyń áıeli №3 emhana qyzmetkeri bolǵandyqtan (qazir bala kútimimen otyr), qaladaǵy emdeý oryndary tarapynan da járdem berilmekshi.
Eske sala keteıik , Almaty oblysynda apatqa ushyraǵan AN-28 ushaǵyndaǵy ekinshi ushqysh Evgenıı Kýtafın Oral qalasynda týyp-ósip, parashıýt sportymen de kásibı túrde aınalysqan bolatyn.
