BQO ákimi analar men arýlardy Halyqaralyq áıelder merekesimen quttyqtady
ORAL. QazAqparat - Batys Qazaqstan oblysynyń ákimi Altaı Kólginov Aq Jaıyqtyń analary men arýlaryn Halyqaralyq áıelder kúnimen quttyqtady, dep habarlaıdy «QazAqparat» HAA tilshisi.
«Sizderdi 8 naýryz - Halyqaralyq áıelder kúnimen shyn júrekten quttyqtaımyn!
Elbasy Nursultan Ábishuly Nazarbaev áıelder qaýymyna memlekettiń qamqorlyǵy erekshe ekenin aıtyp júredi. Memleket basshysy sizderge qaratyp: «Áıelder táýelsizdik jyldarynyń bárinde meniń eń senimdi tiregim boldy. 25 jyldaǵy barlyq jetistikterimiz sizderdiń belsene atsalysýlaryńyzdyń arqasynda ǵana múmkin boldy. Sizder bizdiń qoǵamdaǵy birliktiń, jasampazdyq pen turaqtylyqtyń beınesine aınaldyńyzdar», dep atap ótti.
«Áıel bir qolymen besikti, al ekinshi qolymen álemdi terbetedi» degen qanatty qaǵıda bar. Táýelsiz elimizdiń ul-qyzdaryn tárbıelep, er-azamattarǵa senimdi serik, otandastarymyzdyń bereke-birligi men yrys-yntymaǵyna uıytqy bolyp júrgenderi úshin áıelder qaýymyna aıtylar alǵys zor.
Óńirimizde ózderińiz qyzmet etetin salanyń tıimdi jumys isteýine qosqan úlesińiz ben qajyrly eńbegińiz úshin alǵys bildiremin.
Shýaqty mereke qarsańynda sizderge zor densaýlyq, otbasyńyzǵa amandyq, jaqsylyq pen bereke tileımin!» delingen quttyqtaýda.
