BQO: 18 jastaǵy jigittiń joǵalyp ketýine baılanysty qylmystyq is qozǵaldy
ORAL. KAZINFORM – Batys Qazaqstan oblysynda 18 jastaǵy jigittiń joǵalyp ketýine baılanysty qylmystyq is qozǵaldy.
BQO polıtsııa departamentiniń baspasóz qyzmetinen málim etkenindeı, Báıterek aýdany Rýbejka aýylynyń turǵyny 10 maýsym kúni polıtsııaǵa habarlama túsirgen.
Anasy 2005 jyly týǵan uly Igor Israılovtyń 6 maýsym kúni shamamen saǵat 08.20-da úıden shyǵyp ketip, osy ýaqytqa deıin oralmaǵanyn kórsetti.
«Atalmysh derek boıynsha qylmystyq is qozǵalyp, jedel izdestirý is-sharalary júrgizilýde. Jigitti izdeý úshin BQO polıtsııa departamentiniń barlyq jeke quramyna baǵdar berildi. Onyń jumys izdep ketkeni belgili boldy. Buryn I.Israılov týystarynyń eskertýinsiz birneshe ret ketip, sharýa qojalyqtarynda jumys istegen. Eger kimde-kim onyń ornalasqan jeri týraly bilse, dereý polıtsııa qyzmetiniń 102 nómirine habarlasýy suralady», - dep habarlady vedomstvodan.
Eske sala keteıik, budan buryn BQO-da joǵalyp ketken 18 jastaǵy jigittiń tórt kúnnen beri tabylmaı jatyrǵanyn jazǵan bolatynbyz.
