BQA tutynýshylardyń quqyqtaryna qatysty keń aýqymdy túsindirý jumystaryn júrgizbek
ASTANA. 15 naýryz. QazAqparat /Arman Asqarov/ - Aldaǵy ýaqytta biz arnaıy bıýdjettik baǵdarlamany qorǵap, onyń aıasynda tutynýshylar quqyqtaryn qorǵaý máselesi boıynsha halyqtyń arasynda keń aýqymdy túsindirý jumystaryn júrgizýdi josparlap otyrmyz.
Bul týraly búgin Astanada tutynýshylar quqyqtaryn qorǵaýdyń ózekti máselelerine arnalǵan keńeste QR Básekelestikti qorǵaý agenttiginiń tóraǵasy Májıt Esenbaev málim etti.
Onyń aıtýynsha, baǵdarlama aıasynda qarastyrylǵan barlyq qarajattyń tıimdi jumsalýyn ókiletti organ baqylaıtyn bolady. «Biz bir telearnany tańdap, onyń efırinde arnaıy baǵdarlamany uıymdastyratyn bolamyz. Onyń negizgi maqsaty halyqtyń tutynýshylar quqyqtaryn qorǵaý salasyndaǵy saýatyn barynsha ashý bolmaq. Sondyqtan men elimizdegi tutynýshylardyń qoǵamdyq uıymdaryn osy jumysqa belsene qatysýǵa shaqyramyn», - dep atap kórsetti M.Esenbaev.
