Bıznestiń joly ashyldy – Darhan Myńbaı kásipkerlerdi 3 jylǵa salyqtan bosatý jaıly

NUR-SULTAN. QazAqparat – Májilis depýtaty Darhan Myńbaı mıkro jáne shaǵyn bıznesti 3 jylǵa tabys salyǵynan bosatý jeńildigi – bıznestiń tynysyn ashatynyn aıtady, dep habarlaıdy QazAqparat tilshisi.

«Ańǵarsańyz, bul jerde Prezıdent birinshi ret shaǵyn bıznesti orta bıznesten bólip aıtyp otyr. Buryn shaǵyn jáne orta bıznes dep keldik qoı. Al búgin shaǵyn bıznesti qoldaý boıynsha naqty tapsyrmalar berildi. Máselen, shaǵyn bıznes ókilderinen úsh jylǵa deıin tabys salyǵy ustalmaıtyny týraly aıtylyp jatyr. Bıznestiń joly ashyldy degen oıdamyn», - dedi Darhan Myńbaı Parlamenttiń birlesken otyrysynan keıin tilshilerdiń saýalyna jaýap bere otyryp.

Senatordyń pikirine qulaq assaq, Qasym-Jomart Toqaev óziniń Joldaýynda barlyq salaǵa baılanysty, ásirese bilim, mádenıet, ekologııa salalaryna qatysty naqty tapsyrmalar berdi. «Memleket basshysy ekonomıkanyń qaı salasynan qarajatty únemdeýge bolatynyn da atap ótti. ıAǵnı, ol aspannan túsetin qarjy emes – tek únemdeý, memlekettik satyp alý zańyn jetildirý arqyly keletin qarjy. Soǵan baılanysty Parlamentke kóptegen zańdardy ázirleý boıynsha naqty tapsyrmalar berilip otyr. Ásirese, ekologııalyq kodeksterdi qaıta qaraýdyń mańyzy zor. Bizdiń qazirgi kásiporyndarǵa baılanysty úlken kómegin beredi dep oılaımyn», - dedi Darhan Myńbaı. Eske sala ketsek, búgin QR Prezıdenti Qasym-Jomart Toqaev Qazaqstan halqyna Joldaýyn jarııalady. Joldaýda Prezıdent mıkro jáne shaǵyn bıznesti tabysqa salynatyn salyqtan 3 jylǵa bosatýdy tapsyrdy.