«Bıznestiń jol kartasy» baǵdarlamasy 2025 jylǵa deıin uzartylady
«Bıznestiń jol kartasy - 2020» baǵdarlamasyn 2025 jylǵa deıin uzartý sheńberinde tujyrymdama jasalyp, jumys toby quryldy. Onyń barlyq deńgeıin talqylap jatyrmyz. Qarjylyq qoldaý quraldaryn jetildirýge arnalǵan túzetýler jasaldy», - dedi Ulttyq ekonomıka vıtse-mınıstri Ermek Alpysov Úkimettiń baspasóz ortalyǵynda ótken brıfıngte.
Baǵdarlama sheńberinde kepildendirý úshin nesıe kólemin ulǵaıtý jolymen kepil boıynsha júktemeni azaıtý, mıkroqarjylyq uıymdardy tartý, aınalym qarajatyn nesıeleý úlesin arttyrý, kásipkerlerdiń tıimdi jobalaryna talaptardy kúsheıtý, memlekettik baǵdarlama jáne basqa da quraldardy ulǵaıtý sharalary kózdelgen.
«Bıznes-qaýymdastyqty belsendi qatysýǵa shaqyramyz. Barlyq usynystardy qarastyrýǵa daıynbyz. Bul sharalar memlekettik qoldaý men qarjylandyrý sharalarynyń qoljetimdiligin qamtamasyz etýge, sondaı-aq onyń el ekonomıkasyna úlesin arttyrýǵa múmkindik beretinine senimdimin», - deıdi vıtse-mınıstr.
Eske sala ketsek, Ulttyq ekonomıka mınıstri Rýslan Dálenov «Bıznestiń jol kartasy-2020» memlekettik baǵdarlamasy aıasynda 13 myńnan astam jobaǵa qoldaý kórsetilgenin málim etken edi.
