«Bıznestiń jol kartasy 2025»: Túrkistanda 300-den astam joba qarjylandyrylǵan
NUR-SULTAN. QazAqparata - «Qarapaıym zattar ekonomıkasy» jeńildetilgen nesıelendirý baǵdarlamasy Túrkistandyq kásipkerlerge úlken kómegin tıgizip otyr, dep habarlaıdy oblystyq ákimdiktiń baspasóz qyzmeti.
Antıkrızıstik shara retinde qolǵa alynǵan baǵdarlama arqyly bıyl 262 joba qarjylandyrylǵan. Ótken jylmen salystyrǵanda qarjylandyrylǵan jobalar sany 2,7 esege artyp, Túrkistan oblysy bul kórsetkish boıynsha kósh bastap tur. Bul týraly Óńirlik kommýnıkatsııalar qyzmetinde ótken brıfıngte kásipkerlik jáne saýda basqarmasynyń basshysy Nurbaqyt Imanqulov málimdedi.
Sonymen qatar, kásipkerlerdiń óndiristik qýatyn saqtaý jáne turaqtandyrýǵa baǵyttalǵan «Bıznestiń jol kartasy 2025» baǵdarlamasynyń bıýdjeti aǵymdaǵy jylda 38%-ǵa artyp, 3,3 mlrd. teńgeni quraǵan. Baǵdarlama aıasynda 400-ge jýyq kásiporynǵa qoldaý kórsetý josparlanǵan bolsa, búgingi tańda 304 joba qarjylandyrylǵan. Óńir boıynsha jumys istep turǵan shaǵyn jáne orta kásipkerlik sýbektileriniń sany
1,4%-ǵa ósip, 142 682 birlikti qurady. Oryn alǵan ekonomıkalyq ózgeris jaǵdaıyna qaramastan, shaǵyn jáne orta bıznespen óndirilgen ónim kólemi 10,9%-ǵa ulǵaıǵan.
