«Bıznestiń jol kartasy – 2025» baǵdarlamasynan salalyq shekteý sharttary alynyp tastaldy
«Koronavırýs ınfektsııasyna baılanysty jarııalanǵan karantın men májbúrli shekteý sharalary shaǵyn jáne orta bızneske keri áserin tıgizip otyr. Naqtyraq aıtqanda, negizgi zardap shekken kásiporyndar – qoǵamdyq tamaqtandyrý oryndary, týrıstik fırmalar, qonaq úıler, iri saýda ortalyqtary, bilim berý jáne kólik qyzmeti sekildi taǵy da basqa halyqqa qyzmet kórsetetin kásipkerlik sýbektiler. Árıne, bul - óziniń qyzmetin májbúrli túrde toqtatqan shaǵyn jáne orta kásiporyndarynyń tolyq tizbesi emes. Qazir qalyptasqan jaǵdaıǵa baılanysty mınıstliktiń aldynda daǵdarysqa qarsy sharalardy ázirleý mindeti tur. Memleket basshysynyń tapsyrmasymen, Úkimettiń sheshimimen salyqtyq yntalandyrý, jaldyq jáne kommýnaldyq qyzmetter tólemin keıinge qaldyrý, memlekettik satyp alý rásimderin ońtaılandyrý, jeńildikti qarjylandyrýǵa qol jetkizý sekildi birqatar shara qabyldanǵanyn bilesizder», - dedi Shyńǵys Ahmetov OKQ-da onlaın rejımde ótken baspasóz máslıhatynda.
Departament dırektory óz sózinde «Bıznestiń jol kartasy - 2025», «Qarapaıym zattar ekonomıkasy» baǵdarlamalary sheńberinde shaǵyn jáne orta bıznes sýbektilerine qandaı naqty qoldaý sharalary iske asyrylyp otyrǵanyna toqtaldy.
«Buryn «Bıznestiń jol kartasy - 2025» baǵdarlamasynyń sharty boıynsha ekonomıkanyń naqty salalaryn ǵana qoldaý kózdeletin. ıAǵnı, arnaıy salalyq shekteýler bar edi. Qazirgi jaǵdaıdy eskerip, búkil shaǵyn jáne orta bıznesi sýbektilerin qoldaý mindetin túsine otyryp, atalǵan baǵdarlama sheńberinde salalyq shekteýler alynyp tastaldy. Degenmen baǵdarlama sheńberinde eki shekteý kúshinde qalady. Birinshisi – saýda salasynda jyljymaıtyn múlikti, qural-jabdyqtardy satyp alý sııaqty ınvestıtsııalyq maqsattarǵa baǵyttalǵan nesıelerdi baǵdarlama sheńberinde alýǵa bolmaıdy. Biraq saýda qyzmetin qoldaý maqsatynda aınalym qarajatty qarjylandyratyn nesıelerdi alýǵa bolady. Aınalym qarajat – taýarlardy satyp alýǵa, jaldyq tólemdi tólep, jumysshylardyń aılyǵyn tóleýge qoldanyla alady», - dedi ol.
Shyńǵys Ahmetov ekinshiden Qazaqstannyń kásipkerlik kodeksine sáıkes memlekettik qoldaý sharalary beriletin kásipkerlik sýbektileri de baryn atap ótti.
«Mysaly olar: aktsızdeletin ónim óndiretin jáne kóterme saýda, lotereıa oınatý, oıyn bıznesi, banktiń qyzmet, aýdıtorlyq qyzmet. Osyndaı 12 qyzmet túrinde eńbek etip júrgen ShOB sýbektileri men basqa da kásipkerler bul baǵdarlama sheńberinde qoldaý ala almaıdy. Osy eki shekteýdi eseptemegende kez kelgen shaǵyn jáne orta kásipkerlik sýbektisi baǵdarlamaǵa qatysyp, jeńildikpen nesıe ala alady», - dedi ol.
