«Bıznestiń jol kartasy-2025» baǵdarlamasyna jańa baǵyt engiziledi

NUR-SULTAN. QazAqparat - «Bıznestiń jol kartasy-2025» baǵdarlamasyna «Mıkro jáne shaǵyn kásipkerlikti qoldaý» boıynsha jańa baǵyt engiziledi. Bul týraly búgin Úkimet otyrysynda el ekonomıkasyn qalpyna keltirý jónindegi keshendi jospardy tanystyrǵan QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Bıznestiń jol kartasy-2025» baǵdarlamasyna «Mıkro jáne shaǵyn kásipkerlikti qoldaý» boıynsha jańa baǵyt engiziledi. Sýbsıdııalaý esebinen qarjylandyrý qoljetimdi bolady. Mólsherleme 6 paıyzdan aspaıdy. Aınalym qarajatyn tolyqtyrýǵa - 5 mln teńgege deıin jáne óndiristik maqsattarǵa - 20 mln teńgege deıin nesıe beriledi. Bul mıkrobıznes ókilderiniń úlken tobyn qamtýǵa múmkindik beredi. Bul rette mıkrobıznes úshin jańa format boıynsha oqytý engiziledi. Ol da qarjylandyrýǵa qoljetimdilikti jeńildetedi», - dedi Rýslan Dálenov.

Onyń aıtýynsha, kepildiń jetispeýshiligin sheshý úshin aınalym qarajatyn tolyqtyrýǵa shaǵyn jáne orta bıznes jobalaryn nesıelendirý boıynsha Ulttyq bank baǵdarlamasy aıasynda beriletin qaryzdarǵa Damý qorynyń kepildigi paıdalanylady. Bankter men mıkroqarjy uıymdary nesıe boıynsha tólem merzimin uzartatyn salalardyń tizbesi keńeıtildi. Arnaıy salyq rejıminde jumys isteıtin jeke kásipkerler úshin býhgalterlik jáne salyq esepterin júrgizý jeńildetiledi.

«Jeke kásipkerlerdiń jaldamaly qyzmetkerleri men azamattyq-quqyqtyq sıpattaǵy sharttar boıynsha júktemeni tómendetý jáne mindetti tólemderdi tóleýdi ońaılatý máselesi pysyqtalýda. Salyq organdaryna salyq eseptiligin aldyn ala deklaratsııalaý mindeti júkteledi. Bul bızneske ákimshilik aýyrtpalyqty azaıtady», - dedi mınıstr.