«Bıznestiń jol kartasy -2025» baǵdarlamasy jańa múmkindikterge jol ashady - Arman Sakıshev
«Atameken» kásipkerler palatasy uıymdastyrǵan baıqaýǵa qatysyp, úzdik atanǵan jas kásipker Arman Sakıshev Joldaýdaǵy basym baǵyttardyń arasynan bıznes, bilim, medıtsına salasyn erekshe atap ótti. Sebebi, stomatologııalyq klınıka salasyn damytyp, jańa tehnologııalardy engizý, áleýmettik az qamtylǵan adamdarǵa kómek berip, balabaqsha balalaryna salaýatty ómir saltyn ustaný qaǵıdalaryn úıretip júrgen ujym bul joly da kásipti ári qaraı damytýdy josparlap otyr.
«Memleket basshysy Nursultan Nazarbaev «Bıznestiń jol kartasy -2020» memlekettik baǵdarlamasyn 2025 jylǵa deıin uzartýdy tapsyrdy. ıAǵnı, adamdar bıznes álippesin úırenip, óz isin bastaýǵa múmkindik aldy. Jyl saıyn 30 mıllıard teńge bólinse, keıin ol 224 mıllıard teńge bolyp salyq túrinde memleketke qaıtarylady. Ári 3 trıllıon teńgeniń ónimi óndiriledi. Esep boıynsha 22 myńnan astam adam jumys tabady. Bári kóńilge qonymdy, tabysty jumys»,- dedi Arman Sakıshev.
Aldymen Aqtóbe medıtsınalyq kolledjin bitirip, jumys istegen kásipker qazir Marat Ospanov atyndaǵy Batys Qazaqstan memlekettik medtsınalyq ýnıversıtetinde stomatologııa mamandyǵy boıynsha bilim alyp júr. Ol Eýropa elderine baryp, tájirıbe jınady. Elbasy Nursultan Nazarbaev ta bilimge basa mán berip, suranysqa ıe mamandyqty ıgerýdi tapsyrǵan bolatyn. Kásipker naǵyz maman ǵana naryq suranysyna ıe bolatynyn jetkizdi.
«Nursultan Nazarbaev «Joǵary oqý ornynyń tabystylyǵyn baǵalaýdyń basty krıterııi - oqý bitirgen stýdentterdiń jumyspen qamtylýy, jalaqysy joǵary jumysqa ornalasýy. Joǵary oqý oryndaryn irilendirý saıasatyn júrgizý qajet. Naryqta joǵary sapaly bilim berýdi qamtamasyz etetinderi ǵana qalýǵa tıis. Nazarbaev Ýnıversıtetiniń tájirıbesine súıenip, úzdik sheteldik top-menedjerlerdi jumysqa tartý arqyly álemniń jetekshi ýnıversıtetterimen áriptestik ornatý mańyzdy. Biz osy jolda shetelge baryp, tájirıbe jınaýǵa basymdyq beremiz. Maman tájirıbeli bolsa ǵana oǵan suranys bolady. Sondyqtan zamanaýı suranysqa saı maman bolý úshin únemi oqyp, bilý mańyzdy»,- dedi ol.
