«Bıznestiń jol kartasy-2020» baǵdarlamasyna kásipkerlerdiń qulshynysy zor» - respýblıkalyq basylymdarǵa sholý

***

«Keshe Úkimette Premer-Mınıstr Kárim Másimovtiń tóraǵalyǵymen Ekonomıkany jańǵyrtý jónindegi memlekettik komıssııa men Kásipkerlik máseleleri jónindegi biryńǵaı úılestirý keńesiniń birlesken májilisi bolyp ótti», dep jazady «Egemen Qazaqstan» gazeti «Bıznestiń jol kartasy-2020» baǵdarlamasyna kásipkerlerdiń qulshynysy zor» degen taqyryppen jaryq kórgen maqalasynda. Onda qaralǵan «Bıznestiń jol kartasy-2020» baǵdarlamasynyń ekinshi baǵytynda júzege asyrylatyn 16 jobany kásipkerlerge tapsyrý máselesi jóninde Ekonomıkalyq damý jáne saýda mınıstri Janar Aıtjanova baıandama jasady. Baıandamashynyń aıtýynsha, atalǵan jobalardy júzege asyrýǵa kásipkerlik qurylymdar erekshe qyzyǵýshylyq tanytýda. Muny osy jobalardy júzege asyrý isine qatyssaq degen nıetpen ekinshi deńgeıdegi bankterge 517 tapsyrys jasalǵandyǵynan ańǵarýǵa bolady. Sonyń ishinde jańa nysandar men burynǵy kásiporyndardy jańǵyrtý úshin beriletin nesıelerdiń stavkalaryn jeńildetýge baǵyttalǵan birinshi baǵyt boıynsha 16,7 mlrd. teńgeniń sýbsıdııasyna 91 tapsyrys tússe, bıznes sektordy saýyqtyrý jónindegi ekinshi baǵyt boıynsha 174,7 mlrd. teńgeniń tapsyrystary túsken. Al eksportqa baǵyttalatyn ónimder shyǵarýdy qoldaýǵa negizdelgen úshinshi baǵyt boıynsha berilip otyrǵan 34,2 mlrd. teńgeniń 18 tapsyrysy jasalynyp otyr.

«Egemen Qazaqstan» gazetiniń jazýynsha, keshe Aýyl sharýashylyǵy mınıstrligi Sý resýrstary jónindegi komıtetiniń tóraǵasy Anarbek Orman 2002-2010 jyldarǵa arnap bekitilgen «Aýyz sý» salalyq baǵdarlamasynyń oryndalýy týraly baspasóz máslıhatyn ótkizgen. Ol jıyn barysynda 5550 eldi mekenniń taza aýyz sýǵa qoljetimdiligin jaqsartýdy kózdeıtin bul baǵdarlamanyń jer-jerlerde sapasyz, olqy oryndalǵandyǵy jaıyna basa aıtqan. Sondaı-aq basylymnyń atap ótýinshe, aǵymdaǵy jyly aýyz sýmen qamtamasyz etetin 308 nysan qurylysy men jóndeý jumystaryna respýblıkalyq bıýdjetten 28,6 mlrd. teńge qarastyrylyp otyr eken.

Osy dúısenbide Úkimet úıinde elimizdiń Tilderdi qoldaný men damytýdyń 2011-2020 jyldarǵa arnalǵan memlekettik baǵdarlamasynyń jobasy tanystyrylǵan bolatyn. Bul qujat «Egemen Qazaqstan» gazetiniń juma kúngi nómirinde tolyq jarııalanyp otyr. Sondaı-aq osy basylymda Respýblıkalyq bıýdjettiń atqarylýyn baqylaý jónindegi esep komıtetiniń 2009 jylǵy respýblıkalyq bıýdjettiń atqarylýy týraly esebi de basyldy.

***

Elimizdiń Іshki ister vıtse-prezıdenti Alık Shpekbaevtyń derekterine qaraǵanda, jyl basynan beri 6302 zańsyz mıgrant elimizden shyǵarylyp, 58097 shetel azamaty ákimshilik jaýapkershilikke tartylǵan eken. Bundaı derekter «Alash aınasy» gazetiniń búgingi nómirinde jaryq kórgen «Qujatsyz kelimsekterdi qýatyn zań joq» degen maqalada aıtylǵan. «Osy rette vıtse-mınıstrdiń ózi elimizde oryn alyp jatqan qylmystardyń belgili bir bóligi zańsyz mıgranttardyń qolymen jasalatynyn aıtyp otyr. Sondyqtan da elimizdiń ár aımaǵynda «Mıgrant», «Shekara», «Nelegal» atty arnaýly sharalar uıymdastyrylyp, sheteldikterdiń elge kelýi, elimizde bolýy jáne ketýi birshama qadaǵalaýǵa alynýda», dep jazady basylym.

«Batys Qazaqstan oblysy boıynsha kedendik baqylaý departamentiniń bastyǵy Ámirhan Maýqulov ótken jeksenbide, ıaǵnı shildeniń 25-i kúni Shalqar kólin erkin ádispen júzip ótti», dep jazady «Alash aınasy» gazeti. Ol eń alshaq jaǵalaýy 10 shaqyrymnan asyp jyǵylatyn kóldi 9 saǵat 3 mınýttyń ishinde júzip ótken. Júzýdi 19 jasynan úırengen Á.Maýqulovtyń bul alǵashqy erligi emes. ıAkýtııadaǵy altyn óndiretin kásiporynda qyzmet etip júrgende ıAna ózeni boıymen toqtamastan 8 shaqyrym júzgen ol Kókshetaý óńirindegi biri 4, ekinshisi 6 shaqyrym bolatyn Kishi jáne Úlken Shabashy ózenderin de baǵyndyrǵan eken. Batystyq bas kedenshiniń eńdigi armany - Semeı óńirindegi áıgili Alakóldi júzip ótý.

«Alash aınasy» gazetiniń turaqty «Dat!» aıdarynda QR Kólik jáne kommýnıkatsııa mınıstri Ábilǵazy Qusaıynovpen aradaǵy suhbat «Elimizdiń kólik kesheni zamanǵa saı jańǵyrtylyp keledi» degen taqyryppen basylǵan. Basylym tilshisiniń barlyq saýaldaryna tuşymdy jaýap bergen mınıstr «jalpy, tranzıttik áleýet degenimiz memlekettiń óz aýmaǵy arqyly halyqaralyq tranzıtti júzege asyrý jóninen qyzmetter usyna alý múmkindiginiń ishki jáne syrtqy faktorlary men jaǵdaılarynyń jıyntyǵyn bildiredi. Bul jaǵynan kelgende bizdiń memleketimizdiń geografııalyq ońtaıly ornalasýyn atap ótý lázim. Al mundaı orasan áleýetti tıimdi paıdalaný memlekettiń qolda bar múmkindikteri tolyq kóelmde júzege asyra bilý qabiletimen aıqyndalady», degen oıyn da jetkizgen. Suhbattyń tolyq nusqasyn basylymnyń juma kúngi nómirinen oqı alasyzar.

***

«Aıqyn» gazetiniń jazýynsha, el Úkimetiniń quramy eki aptalyq demalysqa shyǵyp, mınıstrler kabınetin vıtse-premerler men mınıstrdiń orynbasarlary basqarady. Úkimet baspasóz bóliminiń qyzmetkerler Kárim Másimovtiń ýázirlerine tıesili ýaqyt merzimin áli belgilep úlgermegenin aıtady. Sonymen eldiń eki aptalyq ómirin orynbasarlaryna amanattap, qysqa merzimdi demalysqa bara jatqan mınıstrler qaıda baryp demalady? Bul saýaldyń jaýabyn bilgińiz kelse basylymnyń búgingi nómirinde jaryq kórgen «Sheneýnikter qaıda demalyp júr?» degen taqyryppen berilgen maqalaǵa nazar salyńyz.

Osy basylymnyń dástúrli «Aq sóıle!» aıdarynyń búgingi qonaǵy - QR Mádenıet mınıstrligi Til komıtetiniń tóraǵasy Baýyrjan Omarov. Elimizdiń Tilderdi qoldaný men damytýdyń 2011-2020 jyldarǵa arnalǵan memlekettik baǵdarlamasynyń jobasy negizinde órbigin suhbat «Til arqyly tildese de, birlese de alamyz» degen taqyryppen jarııalanǵan.

***

«Kazahstanskaıa pravda» gazetiniń jazýynsha, keshe Úkimet úıinde QR Premer-Mınıstri Kárim Másimovtyń tóraǵalyǵymen beınekonferentsııalyq baılanys jaǵdaıynda Parlament depýtattarynyń qatysýymen QR Úkimetiniń otyrysy bolyp ótip, onyń barysynda kókeıkesti máseleler, depýtattyq saýaldar men ótinishterdi memlekettik organdar tarapynan qaraý máselesi talqylandy. Olardyń arasynda aımaqtyq jumyspen qamtý jáne kadrlardy qaıta daıarlaý strategııasynyń (Jol kartasy - 2020), «Bıznestiń jol kartasy - 2020» baǵdarlamasynyń júzege asyrylýy, aýyldardaǵy áleýmettik nysandardy salý, jol qurylysy, aýyz sýmen qamtamasyz etý júıesi, úleskerlerdiń problemalaryn sheshý, shaǵyn jáne orta bıznestiń qaryzdaryn qaıta qurylymdaý syndy máseleler de bar.Talqylaýlar nátıjeleri boıynsha, Premer-Mınıstr Kárim Másimov memlekettik organdardyń basshylaryna, oblystardyń, Astana men Almaty qalalarynyń ákimderine Qazaqstan Respýblıkasy Úkimetiniń atyna joldanyp jatqan depýtattyq saýaldar men ótinishterde kóterilip jatqan máseleler boıynsha sheshimderdi oryndaýdy uıymdastyrýǵa qatysty sharalar qoldaný týraly tapsyrma berdi.