«Bıznestiń jol kartasy-2020» baǵdarlamasyn iske asyrý tetikteri biregeı sıpatqa ıe - S. Ahanov
amyrdyń 14-i. QazAqparat /Ernur Aqanbaı/ - Qazaqstan qarjygerler qaýymdastyǵynyń basqarma tóraǵasy Serik Ahanovtyń pikirinshe, «Bıznestiń jol kartasy-2020» baǵdarlamasyn iske asyrý tetikteri biregeı sıpatqa ıe.
Ol bul pikirin búgin Astanada atalmysh baǵdarlamany iske asyrý aıasynda birqatar qujattarǵa qol qoıý rásiminde aıtty, dep habarlaıdy qazAqparat.
Onyń sózine qaraǵanda, bul bankter jáne kásipkerler úshin mańyzdy baǵdarlamalyq jumys qujattary bolyp tabylady. Elimizdiń bıznesi daǵdarystan keıingi kezeńdegi damýdyń bastapqy satysynda aýqymdy qarjylaı qoldaýǵa ıe bolady, bul óte mańyzdy. «Bankterdiń tólempazdyq qabileti aıtarlyqtaı jetkilikti. Biraq ta, tólempazdyqty uzaqmerzimdi qarjyǵa aınaldyryp, bizdiń kásipkerlerge naqty kómek kórsetý úshin biregeı qarjylyq quraldar qajet edi. Ony bizdiń Úkimet usyndy. Sóıtip baǵdarlama aıasynda kásiporyndardyń nesıeleri sýbsıdııalanatyn, olarǵa kepildik beriletin jáne kásipkerlik sektor saýyqtyrylatyn bolady», dedi ol.
