«Bıznestiń jol kartasy-2020» aıasynda 70 mlrd teńge bólindi - OQO
«Óńirde shaǵyn jáne orta kásipkerlikke erekshe mán berilip keledi. Kásipkerlerge qyzmet kórsetý ortalyqtary arqyly 25 myńnan astam kásipker qoldaýǵa ıe boldy. 2,9 mlrd teńgege 724 joba qarjylandyryldy. 2 919 kásipker ruqsat qaǵazdaryn alýda qoldaý tapty. 4 941 adam kásipkerlik mektepterinde bilim aldy. «Bıznestiń jol kartasy-2020» aıasynda 144 jobany júzege asyrýǵa 70 mlrd teńge baǵyttalǵan. Bul óz kezeginde 1 213 jańa jumys ornyn ashýǵa yqpal etti», - dep málim etti ákim orynbasary.
Sonymen qatar ústimizdegi jyldyń 8 aıynda ekinshi deńgeıli bankter arqyly 27,7 mlrd teńge nesıe berildi. Jalpy oblys boıynsha, shaǵyn jáne orta kásipkerlikte júrgen adamnyń sany 2016 jyldyń birinshi toqsanynda 331 myń adamǵa jetti. 2016 jyldyń birinshi toqsanynda shaǵyn jáne orta kásipkerlik sýbektileri oblysta 154,8 mlrd teńgege ónim shyǵardy. Bul ótken jyldyń sáıkes kezeńimen salystyrǵanda, 37 paıyzǵa joǵary.
«Eń mańyzdy baǵyttardyń biri - ınvestıtsııalardy tartý. Jyldyń basynda «Ońtústikınvest-2016» xalyqaralyq ınvestıtsııalyq forým ótti. Forým barysynda OQO ákimdigi QR-daǵy Belarýs Respýblıkasynyń Elshiligimen memorandým jasady. Atalmysh qujattyń aıasynda bıyl saýda-ekonomıkalyq qarym-qatynastardy ornatý maqsatynda Belarýs óńirleri - Mınsk pen Mogılev oblystaryn aralaý josparlanýda. Sonymen qatar Reseıdiń óńirlik ákimshilikteriniń qoldaýymen OQO ákimdiginiń RF óńirleri - Máskeý, Sankt-Peterbor, Lıpetsk, Kalýjskıı, Ivanovskıı aımaqtaryna iskerlik saparlary jasaldy. RF oblystarynda tanystyrylym jasaý maqsatynda jergilikti kásipkerler men ınvestorlarlyń qatysýymen kezdesýler ótti. Nátıjesinde óńirde jalpy quny 2 mlrd AQSh dollary shamasynda shetel ınvestıtsııasy tartylyp, 24 joba júzege asyrylmaq. Jalpy jyl basynan beri ınvestıtsııalar kólemi 207,9 mlrd teńge boldy», - deıdi U. Sádibekov.
