Bıznestiń damýyna shamadan tys ákimshilik júkteme kedergi – Premer-Mınıstr

NUR-SULTAN. QazAqparat – QR Premer-Mınıstri Álıhan Smaıylov otandyq bıznestiń damýyna kedergi keltiretin jaıttardy atap berdi, dep habarlaıdy QazAqparat tilshisi.

Úkimet basshysy Álıhan Smaıylov elordada ótip jatqan «Atameken» ulttyq kásipkerler palatasynyń kezekten tys ІH sezine qatysty.

«Búgingi tańda bıznestiń damýyna retteýshi júıe jáne shamadan tys ákimshilik júkteme kedergi bolyp otyr. Bızneske túsetin júktemeni azaıtý úshin jaqynda kásipkerlik salasynda jańa retteýshilik saıasatty engizý máseleleri boıynsha zań qabyldandy. Úkimet «Atameken» UKP-men birlesip, saýda, aýyl sharýashylyǵy, kólik, qoǵamdyq tamaqtaný, turý jáne tamaqtaný sııaqty salalar boıynsha retteýshi aktiler men bızneske qoıylatyn talaptardy taldaý boıynsha jumysty bastady», - dedi sezde Álıhan Smaıylov.

Premer-Mınıstrdiń málimdeýinshe, memlekettik organdardyń bızneske qatysty retteýshi aktileri jeńildeı túsedi.

«Búginde 424 normatıvtik-quqyqtyq akt qaraldy. Onda 17,5 myńǵa jýyq talap belgilengen, onyń 40% - dan astamy artyq jáne tıisinshe joıylýy tıis. Sondaı-aq, basqa salalar boıynsha da talaptarǵa revızııa júrgiziledi. Osy jumystyń qorytyndysy boıynsha memlekettik organdardyń retteýshi aktileri ońtaılandyrylady», - deıdi ol.

Buǵan deıin Álıhan Smaıylov Úkimettiń bıznespen birlese jumys isteýge daıyn ekenin jetkizdi.