Bıznesti qorǵaý - básekelestikti damytýdy bildiredi - Úkimet basshysy
ASTANA. 1 shilde. QazAqparat - Búgin taýar naryqtarynda básekelestikti qorǵaý júıesin jetildirý máselesi talqylanǵan Úkimet otyrysynda QR Premer-Mınıstri Serik Ahmetov básekelestikti damytýǵa arnalǵan úlgilik zań jobasymen jumysty jalǵastyrýdy júktedi.
«Kez kelgen memlekettiń damý deńgeıi - básekelestikti damytý deńgeıine tikeleı baılanysty. Bıznesti qorǵaýdyń ózi elimizdegi básekelestikti damytýdy bildiredi. Biz ony retteýdi azaıtqan saıyn, naryqtyń ózi ekonomıkany damytýy kerek. Búgingi kúni úlgilik zań jobasyn talqylaý aıaqtalyp qaldy, eki jyl boıy júrgizildi. Bul zań bizdiń elimizdiń monopolııaǵa qarsy zańnamasyn halyqaralyq deńgeıge jaqyndatady. Sonymen birge, bizdiń ulttyq zańnamamyzdy da jetildire túsýdiń mańyzy zor», - dedi S. Ahmetov.
Bul rette Úkimet basshysy ekonomıkanyń jekelegen segmentterde jetkilikti túrde básekelestik damymaı otyrǵanyn da atap ótti. «Memlekettik satyp alýlarda, temir jol kóliginde, farmatsevtıka salalarynda, otyn-energetıka, telekommýnıkatsııada básekelestik jetkiliksiz. Ruqsat berý jáne kelisim júıeleri de jetildirýdi qajet etedi. Osyǵan oraı, úlgilik zań jobasymen jumysty jalǵastyrýymyz kerek», - dedi Premer-Mınıstr.
