Bıznesti qoldaýǵa bólinetin memleket qarajaty 1,5 esege ulǵaıady
«Bıznestik jol kartasy -2020» osy jyly aıaqtalady. Sondyqtan baǵdarlamanyń jańa jobasy ázirlendi. Jobada maqsattar men mindetter saqtaldy, qoldaý quraldary jetildirildi. Olardyń tıimdili men qoljetimdiligi artty. Birinshi, aınalym qarajattyń nesıeleý kólemi 60 mln-nan 360 mln teńgege deıin ulǵaıady. Ekinshi, nesıelerdiń qoljetimdiligi arttyrylýda. Ol úshin mıkroqarjy uıymdardy sýbsıdııalaý jáne kepildendirý engiziledi. Úshinshi, kásipkerlerge jumyspen qamtý jáne salyq túsimderin arttyrý talaby jetildirildi. Tórtinshi, kásipkerlerdi ár satyda súıemeleý kúsheıtiledi. Bul: oqytý, nesıe, qoldaý alý úshin tıisti qujattardy daıyndaý jáne taýarlardy ótkizý joldaryn uıymdastyrý«, - dedi »Bıznestiń jol kartasy - 2025« memlekettik baǵdarlamasynyń jańa jobasyn tanystyrǵan Rýslan Dálenov.
Onyń dereginshe, baǵdarlamanyń kelesi kezeńine 421 mlrd teńge qarastyrylǵan. Qarjylandyrý ótken besjyldyq kezeńge qaraǵanda 1,5 esege ulǵaıdy. »Bıznestiń jol kartasy 2025« baǵdarlamasynda nysanaly ındıkatorlar kózdelgen. Olar elimizdiń 2025 jylǵa deıingi strategııalyq damý josparyna sáıkes keledi. Ol JІÓ-degi ShOB úlesin kem degende 35 paıyzǵa, óńdeýshi ónerkásiptiń úlesin keminde 13,4 paıyzǵa jetkizý bolyp belgilengen.
»ShOB-tyń údemeli damýy ekonomıkanyń sapaly ózgerýine yqpal etedi. Bul úshin qajetti sharalar qabyldanýda. Bıznesti júrgizý sharttary túbegeıli jaqsarady. Kedergiler tómendetilip, ruqsat berý qujattarynyń tizbesi qysqarady. Shaǵyn jáne orta bızesti yntalandyrý sharalary qabyldanýda. Bizdiń mindetimiz - iskerlik ortany jetildirý. Bul ekonomıkanyń ósýine yqpal etedi. 2025 jyly ekonomıkanyń 3/1-den astamy ShOB-qa tıesili bolady. Al 2050 jylǵa qaraı ShOB JІÓ-niń jartysyn quraıdy«, - dedi mınıstr.
