Bıznesti qoldaý týraly usynys kóńilimizden shyqty - Máslıhat depýtaty
«Búgin barlyǵymyz Elbasynyń Joldaýyn tyńdaýǵa jınaldyq. Kótergen máseleleriniń barlyǵy ózekti. Ásirese, «sport kez-kelgen jerde, ár aýlada qoljetimdi bolýy tıis» degen sózi kóńilimizden shyqty. Men ózim metsenat bolǵandyqtan, aınaladaǵy aýlalarǵa sport alańdaryn qurýdy qoldaımyn», - dedi V.Banşıkov.
Máslıhat depýtaty, sondaı-aq, Elbasynyń ShOB sýbektilerin qoldaý týraly usynysyn qoldaıtynyn jetkizdi.
«Bul - bizdiń ekonomıkamyzdyń eń negizgi tiregi. Daǵdarys bolǵan kezde de bizdi tyǵyryqtan alyp shyqqan shaǵyn jáne orta bıznes boldy. Óte jaqsy usynystar aıtyldy. Onyń barlyǵy qabyldanyp, júzege asady dep senemiz», - dedi ol.
Aıta ketý kerek, Prezıdent Nursultan Nazarbaev Aqordada Qazaqstan halqyna Joldaýyn jarııa etti.
Strategııalyq qujat elimizdiń áleýmettik-ekonomıkalyq damýynyń ózekti máselelerine jáne qazaqstandyqtardyń ál-aýqatyn odan ári arttyrý mindetterine arnalǵan.