Bıznesti damytýǵa arnalǵan jańa baǵdarlama iske qosyldy
NUR-SULTAN. QazAqparat - Elimizde shaǵyn jáne orta bıznesti damytý úshin 50 mlrd teńge kóleminde jeńildetilgen qarjylandyrý baǵdarlama iske qosyldy, dep habarlaıdy QazAqparat tilshisi.
Atalǵan baǵdarlama ınvestıtsııalarǵa bıznestiń qoljetimdigin jeńildetýge jáne kapıtaldy tikeleı qarjylandyrý quralyn paıdalanýdy keńeıtýge baǵyttalǵan.
«Qazirgi ýaqytta otandyq kásipkerler nesıe quraldary shekteýli jaǵdaıda jumys istep jatyr. Osy máselelerdi sheshý úshin QKM shaǵyn jáne orta bıznesten iri bızneske deıin keń aýqymdy kásiporyndar úshin jańa baǵdarlama ázirledi. Bul bizdiń elimizde isker toptar arasynda kapıtalǵa ınvestıtsııalaý quraldaryn paıdalanýdy keńeıtedi. Sonymen qatar, osyǵan deıin QKM qarastyrǵan áleýetti jobalar da osy baǵdarlamaǵa qatysýǵa qyzyǵýshylyq tanytty», - dedi «Qazyna Kapıtal Menedjment» AQ basqarma tóraǵasy Ardaq Qasymbek..
Baǵdarlama aıasynda qarjylandyrýdyń sharttaryna toqtalsaq, paıyzdyq mólsherleme jylyna 8 paıyzdy quraıdy. Investıtsııa 10 jylǵa deıin beriledi jáne onyń kólemi 5 mlrd teńgeni qamtymaq.
Osy oraıda óndiristi, ınfraqurylymdyq jobalardy jáne ónerkásiptiń basqa da baǵyttaryn qarjylandyrý eskerilip otyr. Baǵdarlama eki baǵyt boıynsha júzege asyrylady, ıaǵnı korporatıvtik bıznesti qoldaý, sondaı-aq shaǵyn jáne orta bıznesti damytý.
