Bıznesti damytý: ShQO ákimi qol qýsyryp otyrǵan ákimderge komıssııa jibermek
ÓSKEMEN. QazAqparat - Shyǵys Qazaqstanda monoqalalar qataryna kirgen bes qalada bıznes bastamalardy júzege asyrýǵa 64,5 mln teńge bólinedi, dep habarlaıdy QazAqparat tilshisi.
Oblys ákimniń baspasóz qyzmetiniń habarlaýynsha, jyl basynan beri bıznes bastamalar úshin nesıe alýǵa 611 ótinish túsken. Tarbaǵataı aýdany bıznes bastamalarǵa bólingen qarjyny ıgerýde 705 mıllıon teńgemen kósh bastap otyr.
«Atalmysh kórsetkish boıynsha Óskemen men Semeı qalalary, Shemonaıha, Kúrshim jáne Jarma aýdandary sońǵy orynda tur. Ákimder nege qol qýsyryp otyr? Arnaıy komıssııa quryp, bul máseleniń mán-jaıyn anyqtaýdy jáne naqty keshendi jumys jasaýdy tapsyramyn» - dedi oblys ákimi Danıal Ahmetov.
Sondaı-aq aımaq basshysy memlekettik granttardy bıznes bastamalardy júzege asyratyn «Nátıjeli jumyspen qamtý jáne jappaı kásipkerlikti damytý» baǵdarlamasynyń qatysýshylaryna berýdi tapsyrdy. Al bóliner qarajat kólemi 100 AEK deıin bolmaq. Olar qajetti qural-saımandardy, tehnologııalyq jabdyqtar alýǵa jumsalýy tıis.
«Memlekettik granttardy bólý kezinde basty nazardy óńirdiń bes shaǵyn qalasyna, atap aıtqanda, Aıagózge, Rıdder, Zyrıan, Kýrchatov jáne Serebrıanskige basymdyq berý kerek, - dedi oblys ákimi.
