Bıznesten memlekettik qyzmetke: úmitkerlerge qandaı talaptar qoıylady

ASTANA. KAZINFORM – Memlekettik qyzmet isteri agenttiginiń tóraǵasy Darhan Jazyqbaı Jibek joly telearnasyndaǵy «Ýáde» baǵdarlamasynyń efırinde memlekettik qyzmetke jeke sektordan mamandardy tartý týraly aıtty.

«Birinshiden, servıstik apparatty qurý, ol tek agenttik emes memlekettik organdardyń kúshimen jasalady. Bizge qarasty Memlekettik basqarý akademııasy ishinen HR ınstıtýtyn ashtyq. Odan bólek, Memleket basshysy bizge jeke sektordan bilikti mamandardy tartýdy tapsyrdy. Osyǵan baılanysty biz basqarmalar, departamentter basshylaryn tikeleı taǵaıyndaýdy qolǵa aldyq», - dedi Darhan Jazyqbaı suhbat barysynda. 

Agenttik basshysynyń aıtýynsha, túrli jeke sektorda jumys istep júrgen mamandardy memlekettik qyzmetke tartý qolǵa alynǵanyn aıtty. 

«Olardy qabyldar aldynda basty 3 talap qoıylady, olar memlekettik organdardaǵy ótili, quqyq qorǵaý nemese sottaǵy ótili jáne jeke fýnktsııanaldyq qabileti», - deıdi agenttik basshysy. 

Aıta ketsek, D. Jazyqbaı Úkimettiń qaraýyna memlekettik qyzmetshiler zeınetke shyqqan kezde jalaqysynyń 70 paıyzyn saqtap qalý usynylǵanyn aıtty.