Bızneste suranysqa ıe memqoldaý quraldary qandaı

NUR-SULTAN. QazAqparat – QR Ulttyq ekonomıka birinshi vıtse-mınıstri Tımýr Jaqsylyqov bızneste suranysqa ıe memlekettik qoldaý quraldaryn atady, dep habarlaıdy QazAqparat tilshisi.

«Ekonomıkanyń zardap shekken salalaryndaǵy kásipkerlerdi qoldaý úshin shaǵyn jáne orta kásipkerlik kredıtterin qaıta qarjylandyrý júzege asyrylady. Ekonomıkalyq qyzmet túrleriniń tizbesi keńeıtildi. Sýbsıdııalaý merzimi uzartyldy. Bul maqsatqa bıýdjetten 18 mlrd teńgeden astam qarjy bólindi», - dedi Tımýr Jaqsylyqov Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, memlekettik qoldaýdyń eń suranysqa ıe quralynyń biri mıkrokredıtteý bolyp otyr.

«Ótken jyly «BJK-2025» aıasynda bıznesti mıkrokredıtteý baǵdarlamasy bastaldy. Osy baǵyt aýqymynda 5 mln teńgege deıin kredıt, ınvestıtsııalyq maqsatqa 20 mln teńgege deıin aınalym qarajaty beriledi. Bul rette, 5 mln teńgege deıingi qaryzdardyń basym bóligi sońǵy qaryz alýshy úshin 6 paıyz mólsherleme boıynsha kepilsiz negizde usynylady», - dedi ol.