Bızneste áleýmettik korporatıvtik jaýapkershilik qalyptasýy tıis - Ksenııa Verba
«Qaıyrymdy ister» marafony - bıznes qatysýshysy retinde atqarylǵan jumystar týraly aıtýdyń jaqsy múmkindigi. Aldymen bizdiń qyzmetimiz týraly aıtqym keledi. Bizdiń uıym 12 kompanııadan quralǵan holdıng. Biz ósimdik sharýashylyǵymen jáne etti qaıta óńdeýmen aınalysamyz», - dedi K. Verba.
Onyń aıtýynsha, kásipkerler úshin áleýmettik korporatıvtik jaýapkershilik aldyńǵy orynda turýy tıis.
«Bızneste paıdadan bólek, áleýmettik korporatıvtik jaýapkershilik tereń qalyptasýy tıis. Bizdiń holdıngte Qazaqstan halqyna qyzmet etemin degen uǵym qalyptasqan. Aýyl-aımaqty damytý arqyly eldiń turaqty damytý bul bizdiń basty mıssııamyz. Ózderińiz biletindeı qalaǵa jan-jaqtan kómek bar. Al biz aýyldy damytyp, oǵan halyqty qaıtarǵymyz keledi. Osy oraıda elimizdiń Aqmola, ShQO jáne Almaty oblystarynda aýyldyq eldi mekende turaqty bıznesti damytý qoryn qurdyq», - deıdi ol.
Kásipkerdiń málimdeýinshe, atalǵan qor jergilikti jerlerde bılik, memlekettik organdar men turǵyndardy biriktiredi. Jáne ár qordan 100 mln teńge kóleminde qarjy bólinedi.
«Ótken jyly qor jumysy úshin 300 mln-ǵa jýyq qarjy bólindi. Biz «Nazarbaev zııatkerlik mektebimen» birlesip «»Aýyl mektebi» jobasyn ázirledik. Joba aıasynda 150 mln teńgege mektep kabınetteri jaraqtandyryldy, - deıdi K. Verba.
