Bıznespen syndarly dıalog – ınvestıtsııalyq saıasattyń basym baǵyttarynyń biri – Bektenov
ASTANA. KAZINFORM – Premer-mınıstr Oljas Bektenov jahandyq ınvestıtsııalar boıynsha VII Qazaqstandyq dóńgelek ústelge qatysty (KGIR-2024). Alańda aýyl sharýashylyǵy, tamaq ónerkásibi, energetıka jáne taý-ken óndirý salalary, qarjy sektory salalaryndaǵy jetekshi halyqaralyq jáne qazaqstandyq kompanııalar basshylarymen birge 500-den astam bıznes ókili, sondaı-aq otandyq kásipkerlik sala ókilderi, ınvestorlar jınaldy. Plenarlyq sessııa «Jahandyq ınvestıtsııalyq úrdister: bolashaqqa kózqaras» taqyrybyna arnaldy.
KGIR jumysyn asha otyryp, Oljas Bektenov dóńgelek ústel Memleket basshysynyń tóraǵalyǵymen ótken Sheteldik ınvestorlar keńesi otyrysynyń qısyndy jalǵasy sanalatynyn jáne bıznes-qoǵamdastyqpen tyǵyz dıalog qurýǵa baǵyttalǵanyn atap ótti.
Qazaqstan Úkimeti Memleket basshysynyń tapsyrmasyn oryndaý úshin qolaıly ınvestıtsııalyq ahýaldy qalyptastyrý boıynsha júıeli jumys júrgizýde. Búginde elimizde 14 arnaıy ekonomıkalyq aımaq jumys isteıdi, onda ınvestorlar úshin salyqtyq jáne kedendik preferentsııalar kózdelgen, sheteldik jumys kúshin jaldaý rásimi jeńildetilgen, bıznes úshin ákimshilik kedergiler azaıtylǵan. Kásipkerlerdiń máselelerin jedel sheshý úshin Úkimet janyndaǵy Investıtsııalyq shtab turaqty negizde jumys isteıdi. Basym ınvestıtsııalyq jobalar úshin ruqsat berý rásimderinen ótýdi jedeldetetin «Jasyl dáliz» nemese Fast-track tetigi iske qosylady. Otandyq jáne sheteldik ınvestorlardyń quqyqtary men múddelerin barynsha qorǵaýdy qamtamasyz etý úshin jaǵdaılar jasalǵan. Máselen, sheteldik bızneske AHQO-da aǵylshyn quqyǵy men ulttyq quqyqtyq júıe arasynda tańdaý múmkindigi berildi.
KGIRr qatysýshylary elimizde jobalardy iske asyrý tájirıbesin bólisip, yntymaqtastyqtyń odan ári keleshegin atap ótti. China Energy Investment Corporation bas dırektorynyń orynbasary ıAn Gochýan energetıka salasyndaǵy yntymaqtastyqtyń mańyzyn atap ótip birlesken jobalardyń áleýetine senim bildirdi.
«Biz energetıka salasynda kómirdi ázirleý jáne ekologııalyq taza paıdalaný, jańa energetıka, ınfraqurylymdy qoldaý jónindegi qazaqstandyq jobalarǵa belsendi qatysý úshin ozyq tehnologııalarymyzdy, kásibı áleýetimizdi jáne tamasha basqarý komandasyn tolyq kólemde paıdalanatyn bolamyz. Biz úshin Qytaı men Qazaqstan arasyndaǵy dostyq yntymaqtastyqqa óz úlesimizdi qosý mańyzdy», - dedi ıAn Gochýan.
AstraZeneca-nyń halyqaralyq bıofarmatsevtıka óńiri boıynsha vıtse-prezıdenti Nıtın Kapýr óz sózinde Qazaqstannyń Ortalyq Azııa farmatsevtıkalyq naryǵyndaǵy basty oıynshy retindegi mańyzyna toqtaldy. Kompanııanyń jergilikti óndiristi jáne ınnovatsııalyq sheshimderdi damytý jónindegi kúsh-jigeri atap ótildi.
«Qazaqstan Ortalyq Azııadaǵy AstraZeneca bıznesiniń lokomotıvi sanalady jáne jahandyq bıofarmatsevtıkalyq kompanııa retinde biz Qazaqstan Úkimetiniń óńirdegi farmatsevtıka ónerkásibiniń ortalyǵyna aınalýǵa qatysty órshil maqsatyn qoldaımyz», - dedi Nıtın Kapýr.
Sondaı-aq plenarlyq sessııa barysynda Power International Holding prezıdenti Ramez Ál-Haıat, Fufeng Group Limited Dırektorlar keńesiniń tóraǵasy Lı Sıýechýn, ACWA Power bas atqarýshy dırektory Marko Archellı, Carlsberg Group» Eýropa, Úndistan elderi boıynsha atqarýshy vıtse-prezıdenti Lars Lemann, Alstom kompanııasynyń Afrıka, Taıaý Shyǵys jáne Ortalyq Azııa óńirleri boıynsha prezıdenti Endrıý Deleonı jáne Eýropalyq qaıta qurý jáne damý bankiniń (EQDB) bank operatsııalary jónindegi vıtse-prezıdenti Matteo Patrone sóz sóıledi.
Premer-mınıstr elimizdiń mańyzy basym baǵyty ónerkásipti damytý ekenin atap, sheteldik kompanııalardy qazaqstandyq bıznes-qoǵamdastyqpen tyǵyz áriptestikke shaqyrdy.
«Qazaqstan Úkimeti turaqty jáne boljamdy ınvestıtsııalyq ahýaldy qoldaý úshin bar kúshin salady. Jobany iske asyrýdyń árbir kezeńinde ınvestorlarmen tikeleı ózara is-qımyl jasaýǵa úlken mán beremiz, sizderdiń quqyqtaryńyzdy qorǵaýǵa basymdyq berilgen. Otandyq kompanııalar iri ınvestorlarmen jetkizý tizbeginde jumys isteı otyryp, tájirıbe jınap, sapa standarttaryn arttyratyn bolady. Mýltıplıkatıvti iri ınvestıtsııalyq jobalar ártaraptandyrylǵan ekonomıkalyq ekojúıeniń qalyptasýyna yqpal ete otyryp, ShOB beldeýiniń damýyna áser etedi. Biz Qazaqstandaǵy sheteldik óndiristerdiń damýymen ónimderdegi qazaqstandyq qamtýdyń úlesin arttyrýǵa talpynatyn bolamyz. Qazaqstandaǵy kadrlardy qoldaý máselesine erekshe kóńil bólinedi. Biz sheteldik ınvestorlardyń barlyq deńgeıde jergilikti mamandardy belsendi túrde eńbekpen qamtýyn quptaımyz ári qoldaımyz. Qazaqstan Úkimeti turaqty jáne boljamdy ınvestıtsııalyq ahýaldy qoldaý úshin bar kúshin salady», - dep atap ótti Oljas Bektenov.
KGIR–2024 qorytyndysy boıynsha jalpy somasy $7 mlrd bolatyn 32 qujat paketine qol qoıyldy, onyń ishinde Premer-mınıstrdiń qatysýymen:
-
Aqmola oblysy ákimdigi, KAZAKH INVEST jáne Dalian Hesheng Holding Group arasyndaǵy bıdaıdy tereń óńdeý boıynsha quny $650 mln bolatyn strategııalyq yntymaqtastyq týraly kelisim;
-
QR Ónerkásip jáne qurylys mınıstrligi, KAZAKH INVEST jáne CHN Energy arasyndaǵy kómir hımııa ónimderin óndirý boıynsha $4 mlrd-qa strategııalyq yntymaqtastyq týraly kelisim;
-
«Orhun Medical» JShS men Qazaqstan Úkimeti arasyndaǵy QR densaýlyq saqtaý salasynyń medıtsınalyq qyzmetteri men ınfraqurylymyn jaqsartý boıynsha $80 mln-ǵa ınvestıtsııalyq kelisim;
-
«SILK WAY ENERGY LTD» men QR Úkimeti arasyndaǵy Jetisý oblysynyń Panfılov aýdanynda táýligine 1 000 000 nm3 qýat tutynatyn tabıǵı gazdy suıyltý zaýyt salý týraly jalpy quny $305 mln-dy quraıtyn ınvestıtsııalyq kelisim;
-
«NK «QTJ» AQ men «Transporteıshn Gloýbel El-El-Sı» arasyndaǵy temirjol mashına jasaý salasynda tsıfrlandyrý men jasandy ıntellekt elementterin engizý boıynsha jobany iske asyrý týraly kelisim;
-
«Carlsberg Kazakhstan» JShS men Qazaqstan Respýblıkasy Aýyl sharýashylyǵy mınıstrligi arasyndaǵy elimizde alkogolsiz sýsyndar shyǵaratyn zaýyt salý boıynsha jalpy quny $100 mln bazalyq qaǵıdattar týraly negizdemelik kelisim;
-
«Shın-Laın» JShS men Qazaqstan Syrtqy ister mınıstrligi arasyndaǵy álemniń jetekshi kompanııalarynyń qatysýymen Almaty oblysynda azyq-túlik klasterin qurý týraly bazalyq qaǵıdattar týraly negizdemelik kelisim (35 óndiris orny pysyqtaýda);
-
Qostanaı oblysynyń ákimdigi men «Tech Digital» JShS arasyndaǵy alıýmınıı qorytpalarynan jasalǵan joǵary sapaly shybyqtar men profılder óndirý salasyndaǵy bazalyq qaǵıdattar týraly kelisim;
-
Batys Qazaqstan oblysynyń ákimdigi men «Hyundai Solar KZ 777» JShS arasyndaǵy quny $167 mln bolatyn kún elektr stansasyn, qaldyqtardy óńdeý keshenin, qoqys jaǵý keshenin, modýldik jylyjaı keshenin salý jónindegi yntymaqtastyq týraly memorandým;
-
«QazaqGaz» UK» AQ men CNPC arasyndaǵy «Soltústik 1» blogyndaǵy geologııalyq barlaý jumystarynyń áleýetin zertteýdiń birlesken jospary;
-
«Otbasy banki» AQ men Azııa damý banki arasyndaǵy elimizde ınklıýzıvti jáne jasyl turǵyn úıdi qarjylandyrýdy ilgeriletý jobasy boıynsha ózara túsinistik týraly memorandým.
Plenarlyq sessııa sheńberinde úzdik ınvestor-kompanııalar: ónerkásiptik, medıtsınalyq gazdar jáne ınjınırıng salasyndaǵy Linde Gas GmbH kásiporny, Shin-Line azyq-túlik óndirisi, KazFoodProducts dándi daqyldardy tereń óńdeý jáne kondıterlik ónimderdi óndirý jónindegi kompanııalar toby, Enhun Medical densaýlyq saqtaý salasyndaǵy kompanııalar toby, Jiaxin International Resources Investment volfram kenderin ıgerý jónindegi kásiporyn, Alstom temirjol mashına jasaý kásiporny, Zerde-Ceramics Aktobe farfor plıtkalaryn shyǵaratyn zaýyt, Zharkent Starch Plant júgeri óńdeý kásiporny, Qazaqstannyń jetekshi temirjol klasteri Railways Systems KZ, Sarlsberg Group syra qaınatý kompanııasy atap ótildi.
