Bıznesmenderdiń deni banktik operatsııalardy ınternet arqyly jasaıdy - Aqyshev
ASTANA. QazAqparat - Búgin Úkimet otyrysynda QR Ulttyq bankiniń tóraǵasy Danııar Aqyshev elimizdegi tsıfrlyq bankıng týraly aıtyp berdi, dep habarlaıdy QazAqparat tilshisi.
«Qarjy sektory tsıfrlyq tehnologııalar belsendi túrde paıdalanylatyn negizgi salalardyń biri bolyp tabylady. Qarjylyq qyzmet kórsetýdiń ózi IT ınfraqurylymdy jáne tsıfrlyq sheshimderdi paıdalaný múmkindigimen tyǵyz baılanysty. Sektordaǵy mańyzdy trendterdiń biri - ınternet jáne mobıldik qosymshalar arqyly onlaın qyzmetter kórsetý. Búgingi kúni Qazaqstannyń barlyq derlik bankterinde qashyqtan banktik qyzmet kórsetý júıesi engizilgen. Mobıldik bankıng qyzmetterin bankterdiń 60 paıyzy (20 bank usynady) kórsetedi. Olar búkil klıentter bazasynyń shamamen 90 paıyzyna qyzmet etedi. Bul júıelerde shamamen 10 mıllıon paıdalanýshy tirkelgen. Olardyń 30 paıyzy operatsııalardy turaqty túrde júrgizedi», -dep naqtylady Ulttyq bank basshysy.
Onyń sózine qaraǵanda, kún saıyn halyq tsıfrlyq bankıng arqyly 6 mıllıard teńge somaǵa 400 myń tranzaktsııa júrgizedi. Bıznes sýbektileri qarjy operatsııalarynyń jetpis paıyzyn qashyqtan jasaıdy.
Ol sondaı-aq klıentterge qyzmet kórsetýdi ońtaılandyrý úshin memlekettik organdarmen elektrondyq ózara is-qımyl jasaýǵa kóshý iske asyrylyp jatqanyn atap ótti.
