Bıznesmen satyp alǵanyna 15 mınýt bolǵan ıahtasynda jarylyp ketti
ASTANA. 11 shilde. QazAqparat - Bıznesmen satyp alǵanyna 15 mınýt bolǵan ıahtasynda jarylyp ketti. Perishtesi qaǵyp, tiri qalǵan bıznesmen keme qurastyrý kompanııasyn sotqa berdi. Pol Ýord 450 myń AQSh dollary somasynda ótemaqy tóleýdi talap etýde, dep jazdy The Daily Mail.
Ýord Meridian 341 VIP ıahtasyn MGM Marine Ltd kompanııasynan 400 myń AQSh dollarynan astam qarajatqa 2010 jyldyń aqpan aıynda Saýtgemptondaǵy kemeler kórmesinde satyp alǵan. Qajetti barlyq jabdyqpen qamtamasyz etilgen eki jeke bólmesi bar keme kez kelgen teńizshiniń armany bolýy múmkin, dep jazdy Ýtro. rý.
Kemeni satyp alǵannan keıin Ýord jáne onyń kómekshisi Djon Innes kemeni teksermek bolyp teńizge saıahatqa shyqqan.
«Bári de jaqsy boldy. Djonǵa Sháı iship alǵannan keıin men keme júrisin 16-ǵa deıin arttyramyn dedim. Gazdy basa salysymen birtúrli túsiniksiz dybys shyqty. Men qozǵaltqysh durys jumys istemeı tur dep oıladym», - deıdi bıznesmen.
Osydan keıin keme shyrpy sııaqty áp-sátte janyp ketti. ıAhtashylar qutqarý plottaryna qol soza bergende, kýbrık atyldy. Ýord pen onyń kómekshisiniń shashy men kıimderi laýlap, janyp ketti. Degenmen, er adamdar ústerinde janyp jatqan kıimderin sheship, sýǵa sekirip ketti. 10 mınýt boıy qutqarýshylardy kútken er adamdar kemeniń tolyǵymen jarylyp ketýin óz kózderimen kórdi.
Jaǵadaǵy kúzet olarǵa kómek kórsetip, sýdan alyp shyqty. Olardyń betterin jáne tynys alý joldaryn kúıik shalyp, aýrýhanaǵa jetkizildi.
Otqa oranǵan kemeniń ıesi endigide keme qurastyrý kompanııasynan kemeniń qunyn, qorǵaýshylar men dárigerlerge ketetin shyǵyndy talap etip, qaıtarmaq nıette. Sondaı-aq Ýord psıhologııalyq turǵyda zardap shekkeni úshin ótemaqy talap etpek. Ol Ulybrıtanııa men Eýropa jáne Azııada rok-grýppalardyń teńizdegi gastrolderimen aınalysady.
