Bıznesmen Murathan Toqmádı 3 jylǵa bas bostandyǵynan aıyryldy
ALMATY. QazAqparat - Almatyda belgili bıznesmen Murathan Toqmádıge qatysty sot úkimi shyqty. Sýdıa M.Toqmádıdi 3 jylǵa bas bostandyǵynan aıyrý týraly úkim shyǵardy, dep habarlaıdy QazAqparat tilshisi qalalyq sottyń baspasóz qyzmetine silteme jasap.
Іs materıaldaryna sáıkes, aıyptalýshy Murathan Toqmádıge qatysty QR QK 194-babynyń 2-bólimimen, 287-babynyń 3-bólimimen, 287-babynyń 4-bólimimen aıyp taǵylǵan.
Tergeý barysynda aıyptalýshy óz kinásin moıyndaý týraly prokýrorlarmen protsessýaldy kelisimge keldi. Protsessýaldy kelisimge sáıkes sottalýshy ózine taǵylǵan aıypqa qarsylyq bildirmeý týraly óz erkimen kelisti.
Atalǵan shart boıynsha aıyptaý taraby ony 3 jylǵa bas bostandyǵynan aıyrý týraly ótinish bildirdi. Sýdıa protsessýaldy kelisim sharttarymen kelisti.
Osylaısha Almaly aýdandyq sotynyń sýdıasy Murathan Toqmádıdi QR QK 194-babynyń 2-bólimimen, 287-babynyń 3-bólimimen, 287-babynyń 4-bólimimen aıypty dep taýyp 3 jylǵa bas bostandyǵynan aıyrý týraly úkim shyǵardy.
Aıta ketý kerek, arnaıy qyzmet ókilderi «Qazstroısteklo» kompanııasynyń zaýytynda tintý júrgizgen bolatyn. Arnaıy operatsııa barysynda bıznesmen Murathan Toqmádı ustaldy.
Zaýyt ıesi, bıznesmen uzaq ýaqyttan beri iri qylmystyq topty basqaryp keledi. Bandanyń kóshbasshysyn birneshe jyldan beri arnaıy qyzmet ókilderi muqııat baqylap kelgen.
