Bıznesmen Murat Boranbaevqa izdeý jarııalandy

NUR-SULTAN. QazAqparat – Qarjy monıtorıngi agenttigi bıznesmen Murat Boranbaevqa izdeý jarııalady, dep habarlaıdy QazAqparat tilshisi.

Murat Boranbaevqa izdeý salý týraly aqparat Quqyqtyq statıstıka organdarynyń portalynda jarııalandy.

Іzdestirýdi júrgizetin organ retinde Almaty boıynsha ekonomıkalyq tergeý departamenti kórsetilgen.

Murat Boranbaev 1970 jyly týǵan, QR azamaty.

Keı derekkózder ony Qaırat Boranbaevtyń inisi dep jazady.

Aıta keteıik, Qarjy monıtorıngi agenttigi Qaırat Boranbaevqa kvazımemlekettik sektorda asa iri kólemde qarajat jymqyrý faktisi is qozǵap, ýaqytsha ustaý ızolıatoryna qamaǵan bolatyn.

Forbes.kz jazýynsha, Qaırat Boranbaev Qazaqstandaǵy eń yqpaldy 50 kásipkerdiń qataryna kiredi.

8 shildede sot sheshimimen Qaırat Boranbaevty kúzetpen ustaý merzimi taǵy 1 aıǵa uzartyldy.

Sonymen birge, Qaırat Satybaldy men Qaırat Boranbaevtyń syrtqa zańsyz shyǵarylǵan aktıvteri qaıtaryla bastady . Qazirgi ýaqytta tergep-tekserý organdary qabyldaǵan sharalar arqyly shamamen 230 mlrd teńge qaıtaryldy.

Foto: qamqor.gov.kz