Bıznesmen Erkin Ámirhanov qamaýǵa alyndy
ASTANA. QazAqparat - «Tsentrkazenergomontaj» AQ-tyń satyp alý qyzmeti jónindegi burynǵy tóraǵasy Erkin Ámirhanov qamaýǵa alyndy. Bul týraly QazAqparat UQK baspasóz qyzmetine silteme jasap habarlaıdy.
«Erkin Ámirhanov QR Qylmystyq kodeksiniń 253-babynyń 6-bóliginde qarastyrylǵan qylmystyq quqyqbuzýshylyq jasady degen kúdikke ilingen.
Ol 2018 jylǵy 5 mamyrda ustalǵan, 6 mamyrda Astana qalasynyń Esil aýdandyq №2 soty oǵan qatysty eki aı merzimge «qamaýda ustaý» bultartpaý sharasy qoldaný týraly sheshim shyǵardy.
Sotqa deıingi tergep-tekserýler júrip jatyr. QR Qylmystyq-protsestik kodeksiniń 201-babynyń 1-bóligine sáıkes, osy is boıynsha ózge málimetter jarııa etilmeı otyr», - delingen habarlamada.
