Bıznesmen áleýmettik jelidegi jazbalary úshin 3 jylǵa sottaldy
ASTANA. QazAqparat - Feısbýkta áleýmettik arazdyq týdyrǵan aqtóbelik kásipkerdi 3 jylǵa qamaý týraly úkim shyǵaryldy, dep habarlaıdy diapazon.kz.
«46 jastaǵy 6 balanyń ákesi Sanat Dosov áleýmettik arazdyqty qozdyrǵany úshin sot aldynan bir-aq shyqty. Onyń feısbýktaǵy jeke paraqshasyna jazylǵan jazbalar qylmystyq is qozǵaýǵa sebep boldy. Ótkir pikirlerde ol Pýtın saıasaty, Sırııadaǵy soǵys, jergilikti bılik pen din týraly sóz qozǵaǵan. Ol ýaqytsha ustaý oqshaýlaǵyshta 4 aı otyrdy. Onyń qorǵaýshysy Darhan Myrzabekov bul aıyptaýdyń aqylǵa syımaıtynyn dáleldeýge tyrysyp baqty», - dep jazdy basylym.
Qorǵaýshy Sanat Dosovty aqtaýdy jáne tergeýge qatysqan ІІD, UQK, Almaty prokýratýrasy qyzmetkerlerin qylmystyq jaýapkershilikke tartý úshin jeke qaýly shyǵarýdy surady.
Sottalýshynyń ózi sońǵy sózinde aıybyn moıyndady, biraq esh jaýyz nıeti bolmaǵanyn aıtyp, ózin Qazaqstannyń patrıoty dep atady.
Alty balasynyń tórteýi kámelettik jasqa tolmaǵandyqtan, bas bostandyǵynan aıyrmaýdy surady. 27 jeltoqsan kúni sot Sanat Dosovty 3 jylǵa bas bostandyǵynan aıyý týraly úkim shyǵardy.
