Bızneske zańsyz qysym kórsetkender qatań jazalanady – Prezıdent
«Biz bızneske basymdyq berip, kásipkerlerdi memlekettiń shekten tys qamqorlyǵynan aryltamyz. Azamattardyń tabysynyń ólsheýishi parasatty eńbek, sybaılas jemqorlyq pen favortızmnen adal, ashyq ári ádil báseke bolady. Kásipkerliktiń erkindigin qamtamasyz etip, qolaıly ınvestıtsııalyq klımat qurý arqyly ár qadamyn myǵym basqan ulttyq býrjýazııamyzdy qalyptastyramyz», - dedi Qasym-Jomart Toqaev Qazaqstan halqy assambleıasynyń HHHІ sessııasynda.
«Eske salamyn, 2019 jylǵy Joldaýymda «bızneske kedergi keltirýdiń kez kelgen áreketi memlekettik qylmys bolyp eseptelýi kerek» dep aıtqan bolatynmyn. Qadaǵalaýshy organdar azamattardyń múddelerin qozǵaıtyn naqty qylmystardy, onyń ishinde alaıaqtyq, qarjy pıramıdalary, bıýdjet qarajatyn jymqyrý sııaqty ekonomıkalyq qylmystardy ashýǵa jáne jolyn kesýge nazar aýdarýǵa mindetti», - dedi Memleket basshysy.
Qasym-Jomart Toqaev «jaýapkershilikti sezinetin, adal bızneske eshqandaı qysym bolmaıtynyn atap ótti.
«Eger zańsyz qysym bolsa, qadaǵalaýshy organdar, quqyq qorǵaý organdarynyń ókilderi qatań jazalanady», - dedi Prezıdent.
Aıta keteıik, assambleıanyń HHHІ sessııasynda Ulttyq quryltaıdyń quramyna kimder kiretinin aıtty .