Bızneske qoıylyp júrgen 10 108 talap jańa saıasatqa saı kelmeıdi – Álibek Qýantyrov

ASTANA. QazAqparat – Ulttyq ekonomıka mınıstri Álibek Qýantyrov Úkimet otyrysynda bızneske qoıylyp júrgen basy artyq talaptardyń zańnamadaǵy úlesin atady, dep habarlaıdy QazAqparat tilshisi.

«Búgingi tańda kásipkerlikti retteýdiń 44 salasy túgel qaraldy. Onda 2 823 normatıvtik quqyqtyq akt taldanyp, 128 119 talap anyqtaldy. Ol talaptardyń 10 108-i nemese 8% jańa retteý saıasatynyń bazalyq sharttaryna sáıkes kelmeıdi», - dedi mınıstr.

Onyń aıtýynsha, zańnamany kásipkerlikti retteýdiń jańa saıasatyna sáıkestendirý jumystary osy jyldyń alǵashqy jartyjyldyǵynda aıaqtalmaq.

«Ótken jyldan bastap retteýshi memlekettik organdar zańǵa táýeldi aktiler sheńberinde talaptardyń kúshin joıý jáne qaıta qaraý boıynsha belsendi jumys júrgizip jatyr. Bul jumysty aǵymdaǵy jyldyń 1-2 toqsanynda aıaqtaýdy josparlap otyrmyz», - dedi Álibek Qýantyrov.

Foto: t.me/Kzgovernment