Bızneske aýdıt boıynsha týyndaǵan daýlardy shaǵymdaný tetigi arqyly sheshý basymdyǵy berilmek

ASTANA. QazAqparat – Úkimet basshysy Álıhan Smaıylov Qarjy mınıstrligine memlekettik aýdıt qyzmetin jetildirý úshin zamanaýı taldaý quraldaryn qoldanýdy tapsyrdy, dep habarlaıdy QazAqparat tilshisi.

«Memlekettik aýdıt táýekelderin basqarý júıesiniń tıimdiligin arttyrý qajet. Ony júzege asyrý úshin zamanaýı analıtıkalyq quraldardy qoldaný kerek. Bul zańbuzýshylyqtyń aldyn alý úshin basqarýshylyq sheshimderdi ýaqytyly qabyldaýǵa jáne memlekettik satyp alýdy uıymdastyrýshylardyń jaýapkershiligin arttyrýǵa múmkindik beredi», - dedi Premer-Mınıstr.

Sondaı-aq, ol bıznestiń aldynda aýdıt qorytyndysy boıynsha týyndaǵan daýlardy shaǵymdaný tetigi arqyly retteýge basymdyq berilý kerektigin eske saldy.

«Іshki aýdıtti damytý sharalaryn odan ári jetildirý úshin aqparattandyrý tetikterine basa nazar aýdarý qajet», - degen Álıhan Smaıylov atalǵan sharalardyń bári Prezıdenttiń Saılaýaldy baǵdarlamasynda kórinis tapqanyn atap ótti.