«Bızneske arnalǵan úkimet» veb-portaly qurylady
Atalǵan másele boıynsha negizgi baıandama jasaǵan QR Ulttyq ekonomıka mınıstri Rýslan Dálenovtiń aıtýynsha, zań jobasy Memleket basshysynyń «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýy jáne Tótenshe jaǵdaı jónindegi memlekettik komıssııa aıasynda berilgen tapsyrmalaryn, sondaı-aq Ekonomıkalyq ósýdi qalpyna keltirý jónindegi keshendi josparda kózdelgen sharalardy iske asyrýǵa baǵyttalǵan. Usynylyp otyrǵan túzetýler 81 zańnamalyq aktige, onyń ishinde 14 kodeks pen 67 zańǵa 9 baǵyt boıynsha ózgerister men tolyqtyrýlar engizýdi kózdeıdi.
«Investıtsııalar tartý boıynsha ınvestıtsııa týraly kelisim dep atalatyn jańa qural engizý usynylady. Memlekettik-jekeshelik seriktestik tetikterin jetildirý jáne rásimderin ońtaılandyrý kózdeledi. Kásipkerlikti jáne naqty sektordy damytý boıynsha bıznes sýbektilerine qolaıly jaǵdaı jasaý úshin «Biryńǵaı tereze» qaǵıdatymen «Bızneske arnalǵan úkimet» veb-portalyn jáne bıznes áriptesterdiń tizilimin engizý jónindegi tıisti fýnktsııalardy bekitý usynylady», - dedi ol.
Mınıstrdiń atap ótýinshe, tamaq jáne jeńil ónerkásip salalarynda jańadan qurylatyn nysandar úshin ınvestıtsııalar shegin 2 esege deıin tómendetý kózdelip otyr.
«Saýda saıasaty boıynsha sáıkestikti baǵalaý salasyndaǵy akkredıtteý boıynsha túzetýler usynylady. Bul rette akkredıtteý jónindegi organǵa akkredıtteý shemalaryn, tizilimderdi reglamentteý jónindegi quzyretter bekitiledi. IT salasyndaǵy eksportty damytý maqsatynda shyǵyndardyń bir bóligin óteý úshin aqparattyq-kommýnıkatsııalyq tehnologııalar salasyndaǵy ónimder tizbesin keńeıtý usynylyp otyr», - dedi Rýslan Dálenov.
