«Bızneske arnalǵan úkimet» biryńǵaı servısi qyrkúıekte iske qosylady

NUR-SULTAN. QazAqparat – Ulttyq ekonomıka mınıstri Rýslan Dálenov «Bızneske arnalǵan úkimet» biryńǵaı servısi qyrkúıekte tolyqqandy iske qosylatynyn málim etti, dep habarlaıdy QazAqparat tilshisi.

«Kásipkerlikti damytý boıynsha osy jyldyń qyrkúıeginde «aqyldy retteý» elementterin eskere otyryp, «Bızneske arnalǵan úkimet» biryńǵaı servısi tolyqqandy iske qosylady. Kásipkerlerdiń memlekettik qoldaý men konsýltatsııalar alýyn jeńildetý úshin bıznes úshin «Birińǵaı terezeniń» tolyq jumys isteýi qamtamasyz etiledi. Sondaı-aq memlekettiń qoldaýyn barynsha seziný úshin memlekettik qoldaý sharalary sheńberinde kásipkerlik sýbektileri qabyldaǵan mindettemelerdi jedel monıtorıngileý úshin tsıfrlandyrý quraldary belsendi paıdalanylatyn bolady», - dedi Rýslan Dálenov Úkimet otyrysynda.

Eske sala ketsek, osy jyldyń qańtarynda Rýslan Dálenov Qazaqstanda «Bızneske arnalǵan úkimettiń» servısiniń 200 ofısi ashylatynyn habarlaǵan bolatyn.