Bızneske arnalǵan «Digital Damu» tsıfrlyq alańy qurylady
«2019 jyly «Digital Damu» atty ózimizdiń tsıfrlyq alańdy quramyz. «Bıznestiń jol kartasy -2020» baǵdarlamasy aıasynda júzege asyrylatyn tsıfrlyq alań shaǵyn jáne orta kásipkerlik sýbektileri men kásipkerlerge «bir tereze» qaǵıdaty boıynsha qyzmet alýǵa múmkindik beredi. Onda ekinshi deńgeıli bankter men memlekettik málimetter qory biriktiriledi. Sonyń nátıjesinde, qor kórsetetin memlekettik qyzmetti alý protsesi jyldamdaıdy», - deıdi ol.
Onyń aıtýynsha, búginde qor júrgizetin bıznes protsesterdi avtomattandyrý alǵa qoıylǵan.
«Jalpy alǵanda qor usynatyn 24 baǵyt boıynsha bıznes qyzmettiń 21-i búginde tolyq avtomattandyryldy, qalǵan úsheýi boıynsha jumys júrip jatyr. Bıznes protsesterdi avtomattandyrýdyń paıyzdyq kórsetkishine kelsek, 2016 jyly 37%, 2017 jyldyń sońynda 63% bolsa, búginde ol kórsetkish 92%-ǵa jetti», - dedi A.Sarqulov.
Odan bólek, «Damý» qorynyń basshysy «Bıznestiń jol kartasy - 2020» baǵdarlamasy aıasyndaǵy sýbsıdııalaý jáne kepildik berý jumystarynyń nátıjesine de toqtaldy.
«Paıyzdyq mólsherlemelerdi sýbsıdııalaý quraly arqasynda kásipkerler nomınaldy syıaqy mólsherlemesiniń 50%-na deıin sýbsıdııa ala alady. Baǵdarlamany júzege asyrǵan 8 jyl ishinde sýbsıdııalaý arqyly jalpy quny 2,4 trln teńge bolatyn 12,6 myń jobaǵa qoldaý kórsetildi. Nesıe berýde kósh bastaǵan aımaqtar retinde Almaty qalasy men Almaty oblysyn ataýǵa bolady. Al, kepildendirý boıynsha atalǵan memlekettik baǵdarlama aıasynda 4,8 myń jobaǵa jalpy somasy 179 mlrd teńge jumsaldy. Kepildendirý boıynsha kósh bastaýshy Astana qalasy men Qostanaı oblysy», - dedi ol.
Aıta ketsek, buǵan deıin 20 myńnan astam kásipker atalǵan qor arqyly óz bıznesin qarjylandyrǵanyn habarlaǵan bolatynbyz.