Bıznes úshin aınalymdaǵy qarjyny tolyqtyrý baǵdarlamasy 2021 jylǵa deıin uzartylady

NUR-SULTAN. QazAqparat – Shaǵyn jáne orta orta bıznes úshin aınalymdaǵy qarjyny tolyqtyrý boıynsha arnaıy baǵdarlama 2021 jylǵa deıin uzartylady. Bul týraly Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saıynǵy dástúrli Joldaýynda málim etti, dep habarlaıdy QazAqparat tilshisi.

«Ulttyq bank zardap shekken sektorlarda shaǵyn jáne orta bıznes úshin aınalymdaǵy qarjyny tolyqtyrý boıynsha arnaıy baǵdarlamany júzege asyrýda. Budan buryn onyń iske asyrý bıyl aıaqtalady dep eskerilgen edi. Qazirgi daǵdarystyq jaǵdaıda atalǵan baǵdarlamanyń kúshin 2021 jyldyń sońyna deıin uzartýdy jáne onyń aýqymyn keńeıtýdi tapsyramyn. Osy maqsattarǵa qosymsha 200 mlrd teńgeni qarastyrý kerek. Osy oraıda baǵdarlamanyń jalpy kólemi 800 mlrd teńgege deıin jetkiziledi», - dedi Memleket basshysy.