Bıznes sýbektilerin Ashyq jobasyna tartýdy kúsheıtý kerek - Eraly Toǵjanov
«Jalpy eldegi epıdemıologııalyq jaǵdaı turaqty. Buǵan qabyldanyp jatqan keshendi sharalar, onyń ishinde halyqty vaktsınalaý oń yqpal etýde. Búginde óńirler vaktsınamen tolyqtaı qamtamasyz etilgen. Respýblıka boıynsha kún saıyn 68 myńnan asa adam vaktsına alyp jatyr, onyń ishinde birinshi komponent 44 myń», - dedi E. Toǵajanov.
Osy oraıda ol óńir ákimdikterine tıisti tapsyrmalardy berý kerektigin atap ótti.
«Birinshiden, óńirler halyqty vaktsınalaý qarqynyn arttyrý boıynsha naqty sharalar qabyldaýy qajet. Bul baǵyttaǵy jumysty ákimder jeke baqylaýyna alýy tıis. Ekinshiden, bıznes sýbektilerin Ashyq jobasyna tartýdy kúsheıtý kerek. Úshinshiden, «Atameken» UKP-men birge Ashyq jobasyna qosylǵan kásipkerler arasynda qabyldanǵan talaptardy saqtaý boıynsha túsindirý jumystaryn júrgizýimiz qajetk», - dedi Úkimet basshysynyń orynbasary.
Sonymen qatar ol kásipkerlik sýbektiler tarapynan qyzmetin zańsyz júrgizýdi boldyrmaý maqsatynda da monıtorıng toptarynyń jumysyn kúsheıtýdiń mańyzyn aıtty.
Budan buryn habarlanǵandaı, Premer-Mınıstr Asqar Mamın ákimdikter men Densaýlyq saqtaý mınıstrligi jaz kezinde vaktsınalaý qarqynyn barynsha ulǵaıtýy qajet ekenin, ásirese Mańǵystaý, Aqmola, Qostanaı oblystary men Nur-Sultan qalasynda bul baǵyttaǵy jumystardy kúsheıtýdiń mańyzyn aıtty. Barlyq deńgeıdegi ákimderge vaktsınatsııa máselesin jeke baqylaýǵa alýy tapsyryldy.