Bıznes ortany da bıýrokratııadan aryltý óte mańyzdy másele – Raıymbek Batalov
«Memleket basshysymen kezdesýde palatany transformatsııalaý máselesi, bizdiń kózqarasymyz, tujyrymdamamyz talqylandy. Memleket basshysy biz úshin óte mańyzdy birneshe baǵytty maquldady. Birinshisi - shaǵyn jáne orta bıznespen baılanysty máseleler. Eń aldymen óńirlerge nazar aýdarý qajet. Shaǵyn jáne orta bıznes boıynsha jekelegen baǵdarlama, damý baǵdarlamasyn engizip, palata jumysyn negizinen óńirlerge qaraı qaıta pishimdeý qajet. Ákimdiktermen jumys isteý kerek. Bul - jumystyń óte aýqymdy ári mańyzdy maıdany. Salalardy damytý, ulttyq palata, jalpy bıznes tarapynan saraptamany jaqsartý jeke baǵyt sanalady», - dedi ol QR Prezıdenti baspasóz qyzmetiniń Telegram kanalynda jarııalanǵan vıdeoda. d
Onyń atap ótýinshe, bıznesti qorǵaý da mańyzdy baǵyttardyń biri. Bul rette palata sottarmen, Bas prokýratýramen tyǵyz jumys isteýi tıis.
«Memlekettik organdardy ǵana emes, sonymen birge bıznes ortany da bıýrokratııadan aryltý óte mańyzdy. Palata belgili bir dárejede mınıstrlikke aınalǵanyn baıqap otyrmyz. Ony iskerlik ortaǵa aınaldyrýymyz qajet. Bul másele de qoldaý tapty. Ulttyq palata týraly zańǵa ózgertý engizý kerektigi de talqylandy. Qazir osy baǵytta belsendi jumys istep jatyrmyz. Taıaý arada Ulttyq palata týraly zańnamaǵa engiziletin ózgeristerge qatysty usynysymyzdy Úkimetke beremiz», - dedi Raıymbek Batalov.
Búgin Raıymbek Batalov QR Prezıdenti Qasym-Jomart Toqaevqa Ulttyq kásipkerler palatasyn transformatsııalaý joldaryn tanystyrǵan edi.