Bıznes ıdeıalarǵa arnalǵan grant qarajaty qandaı maqsatta beriledi

NUR-SULTAN. QazAqparat – Nur-Sultan qalalyq ınvestıtsııalar jáne kásipkerlikti damytý basqarmasy basshysynyń orynbasary Qýanysh Saparov jańa bıznes ıdeıalardy iske asyrýǵa arnalǵan memlekettik grant qarajatyn qandaı maqsattarǵa jumsaý kerektigin aıtty, dep habarlaıdy QazAqparat tilshisi.

«Kásipkerler jańa bıznes ıdeıalardy iske asyrýǵa arnalǵan memlekettik grant qarajatyn mynadaı maqsattarǵa paıdalanylady: taýarlardy shyǵarýǵa nemese qyzmetterdi kórsetýge qajetti negizgi quraldardy, materıaldyq emes aktıvterdi, tehnologııalardy, keshendi kásipkerlik lıtsenzııa, franshıza satyp alýǵa, zertteý jumystary men jańa tehnologııalardy engizýmen baılanysty shyǵystar», - dedi basqarma basshysynyń orynbasary.

Onyń atap ótýinshe, memlekettik grant qarajatyn jyljymaıtyn múlik satyp alýǵa, jalaqyǵa, úlestik kompanııalarǵa salýǵa jáne buryn qoldanysta bolǵan qaryzdardy jabýǵa jumsaýǵa bolmaıdy. Sonymen qatar ol memlekettik grant alý konkýrsyna qatysý úshin bıznes jospar tapsyrý qajet emestigin aıtty.

«Bıylǵy erejege sáıkes bıznes jospar ótkizý qajet emes. Jalpy, «Qoldaý» aqparattyq portalyna bıznes jospardaǵy málimetterdi engizesizder», - dedi Qýanysh Saparov.