Bıznes elordadaǵy aqyly turaqtarǵa baılanysty sotqa júgindi
«Kelýshiler qandaı da bir qosymsha shyǵynǵa tap bolmaýy tıis. Qurylys normalary men erejelerinde ǵımaratta jumys isteıtinder jáne oǵan kelýshiler kólik túraqtaryn tegin paıdalanýy tıistigi kózdelgen. Demek, memlekettik-jekeshelik áriptestik qaǵıdaty buzylyp otyr. Búgingi is-sharaǵa «Memlekettik-jekeshelik áriptestik ortalyǵy» AQ mamandary kelip otyr. Olardyń da pikirin taǵy bir márte tyńdap kórmekpiz. Olar buǵan deıin de pikir bildirip, qaıta qaraý qajetti jerler bar ekenin aıtqan bolatyn. Tabystyń 5 paıyzy memleketke, al qalǵan 95 paıyzynyń jeke kásipkerge túsýi de jónsizdik. Menińshe, jaǵdaı teń emes. Onyń ústine qyzmet kórsetý jergilikti atqarýshy organdardyń, bıznes-qoǵamdastyqtyń esebinen júzege asyrylady. Іri bıznes ortalyqtarynyń menshik ıeleri de jalǵan alý merzimin uzartý ýaqyty kelgen kezde turaqty alyp qoıyp, jeke seriktestiń basqarýyna beretindikterin de aıtyp júr», - dedi ol aqyly kólik turaqtary máselesi talqylanǵan jıyn aıasynda.
Palata dırektory salada josyqsyz básekelestiktiń bolýy múmkin ekendigin de joqqa shyǵarmady.
«Biraq, ol úshin barlyq másele qaıdan shyǵyp jatqanyn túp-tamyryna deıin qaraýymyz qajet. Búginde barlyq qujattamany ala almaımyz. Qazirgi ýaqytta kásipkerler sotqa berdi. Kez kelgen bıznesmen jobasyn iske asyrar kezde, ony tolyqtaı zerdeleıdi, áserese turaq oryndarynyń bolýyna erekshe nazar aýdarady. Óıtkeni, bul mańyzdy rólge ıe. Sebebi adamdar kelgennen keıin, kólikterin qaldyrýy múmkin. Al búginde mundaı oryndar aqyly bolyp jatyr. Soǵan oraı olar (bıznesmender) kiristerin tolyǵymen ala almaıdy», - dedi Beısen Jolboldıev.