Bıznes elordada aqyly kólik turaǵy sanynyń artýyna narazy
«Palata alańynda kólik turaǵyna qatysty máseleni birneshe ret kóterdik. Kedergiler jónindegi keńesimiz de bar. Barlyq jerde memlekettik-jekeshelik áriptestiktiń ǵana emes, sonymen birge astanany damytý jospary boıynsha qurylys normasy men erejeleriniń barlyq qaǵıdatyn buzatyndyǵyn eskere otyryp, sharttardy ózgertý qajettigi týraly tıisti hattamalyq tapsyrmalar da boldy», -Nur-Sultan qalalyq kásipkerler palatasynyń dırektory Beısen Jolboldıev aqyly kólik turaqtary máselesi talqylanǵan jıyn aıasynda.
Máselen, onyń aıtýynsha, palata otyrǵan bıznes ortalyqtyń janyna aqyly kólik turaǵyn ornatý durys emes.
«Bıznestiń de pikirin eskirgen jón. Óıtkeni, kezinde kásipkerler ınvestıtsııalaryn quıdy jáne ǵımaratty jalǵa alý máselesin qaıta qarastyrý qajet. Qurylys normasy men erejesine sáıkes, bızneske 67 oryn (kólik turaǵy) berilýi kerek. Al qazir kerisinshe ony alyp, MJÁ aıasynda jeke seriktestikke bermek. Jalpy, aqyly kólik oryndary bolǵanyna qarsy emespiz. Alaıda, halyqtyń da, bıznestiń de pikiri eskerilýi tıis. Munyń ústine ákimdikke jobany qarastyrý barysynda esepteýler men standarttar qaıdan alynatyndyǵyn negizdeý qajettigin birneshe ret aıtqan edik», - dedi ol.