Bıznes balabaqsha máselesine nazar aýdarýy tıis-Elbasy
sp;ASTANA. Qarashanyń 13-i. QazAqparat /Jasulan Amanbaıuly/ - Eldiń balabaqshalarǵa degen suranysyn qamtamasyz etý úshin 800 balabaqsha kerek. Bul týraly búgin respýblıkalyq telearnalar arqyly tikeleı jelide halyqtyń saýaldaryna jaýap qaıyrý kezinde Qazaqstan Prezıdenti Nursultan Nazarbaev málim etti,
dep habarlaıdy QazAqparat.
«Bizdiń elde balalardyń mektepke deıingi mekmelermen tek 36,5 paıyzy qamtylǵan. Balabaqshalarǵa degen suranystyń artýy eldiń demografııalyq ahýaly úshin qýanyshty. Memlekettiń tarapynan bir balaǵa, ekinshi balaǵa, úshinshi jáne tórtinshi týǵan balaǵa beriletin áleýmettik kómektiń áser ete bastaǵandyǵyn kórsetedi. Bul oń ózgeris, bul meni qatty qýantýda», deıdi Elbasy N. Nazarbaev.
Bıyl memlekettiń jáne jergilikti ákimdikterdiń bıýdjeti úlesinen bólingen qarjyǵa 20-ǵa tarta balabaqsha salynyp bitedi. 2012 jylǵa deıin 170-ke jýyǵy tapsyrylady dep kútilýde. Bul 47 myń balany qamtı alady. «Eldiń barlyq suranysyn qamtamasyz etý úshin respýblıka boıynsha shamamen 800 balabaqsha salýymyz kerek», dep atap kórsetti.
«Osy másele boıynsha jumysty toqtatpaımyz. Múmkin biz aldaǵy bir jyldyń, múmkin kelesi jylǵa «Jol kartasy» baǵdarlamasyna bólingen qarjynyń jartysyn balabaqshalardyń qurylysyna baǵyttaıtyn bolamyz. Úleskerlerdiń problemalaryn sheshýge memleket úlken qarajat bóldi. Múmkin sol turǵyn úılerge ketken aqshanyń óteýi retinde birinshi qabattaryn memleket ıeligine ótkizip, ol jerlerde balabaqsha oryndaryn ashamyz», dedi N.Nazarbaev.
N. Nazarbaevtyń aıtýynsha, Keńes úkimeti qulaǵannan keıin, balabaqshalar jeke menshik qolǵa ótti de olardyń sany artýdyń ornyna tym azaıyp ketken. «Balabaqsha máselesin bıznes atqarýy tıis. Ata-analar óz balalaryn balabaqshaǵa ornalastyrý úshin aqsha tóleıdi. Bul bıznes bolýy shart. Bizdiń kásipkerler osyndaı joǵary suranysty kóre tura, buǵan nazar aýdarmaýy men úshin túsinikti emes. Osy naryqty bıznes toltyrý qajet», dedi memleket basshysy.
