Bıznes ashýǵa arnalǵan memlekettik granttar baıqaýy jarııalandy
ASTANA. QazAqparat - Qaraǵandy oblysynyń kásipkerlik basqarmasy óz bıznesin bastaýǵa memleketten beriletin granttardyń baıqaýyn jarııalady. Baıqaýǵa óz isin bastaǵysy kelgen jas kásipkerler, múgedekter, sondaı-aq 50-den asqan adamdar qatysa alady, dep habarlaıdy oblystyq ákimdiktiń baspasóz qyzmeti.
Memlekettik granttardy usyný «Bıznestiń jol kartasy 2020» bıznesti qoldaý baǵdarlamasynyń bir bóligi bolyp tabylady.
Baıqaýǵa qatysý úshin úmitkerler bekitilgen úlgi boıynsha jazylǵan ótinim men baıqaýdyń tolyq qujattar toptamasyn usynýlary qajet. Ony ótinim berýshi ózi nemese óziniń ýákiletti ókili arqyly jasaı alady.
Ótinimder Qaraǵandy qalasynyń kásipkerlik jáne aýylsharýashylyq bóliminde qabyldanady.
Poshtalyq mekenjaı: 100008, Qaraǵandy, Beıbitshilik gúlzary, 39 úı, kab. 4, 7.
Elektrondy poshta: guop_karaganda@mail.ru.
Telefondar: 8(7212)42-15-05, 42-11-12, 41-06-21.
Ótinimderdi qabyldaý sońǵy kúni - 28-shi qarasha, saǵat kúndizgi 13:00-ge deıin.
Baıqaýdyń uıymdastyrýshysy: «Qaraǵandy oblysynyń kásipkerlik basqaramasy» MM.
