Bizge júktelgen mindet te, jaýapkershilik te óte joǵary - Astana ákimi
ASTANA. QazAqparat - Búgin Elbasy Nursultan Nazarbaev tanystyrǵan "Nur Otan" partııasynyń baǵdarlamasyn sapaly oryndaý el birligin nyǵaıtýǵa jáne ekonomıkamyzdyń damýyna jańa qarqyn beredi, dep esepteıdi Astana qalasynyń ákimi Ádilbek Jaqsybekov.
"Egemen elimizdiń 25 jyldyq mereıtoıy aldynda partııa sezin ótkizý óte mańyzdy. Sebebi búgingi sez partııa jumysyn baǵalaıtyn jaýapty shara. Májilis pen Máslıxat depýtattary saılaýyn birge ótkizý óte oryndy. Partııa baǵdarlamasyn sapaly oryndaý el birligin nyǵaıtýǵa jáne ekonomıkamyzdyń damýyna jańa qarqyn beredi. Sondyqtan bizge júktelgen mindet te, jaýapkershilik te joǵary bolmaq", - dep atap ótti ol partııa sezinde.
"Sezde bizdiń Prezıdent usynǵan Partııanyń saılaýaldy baǵdarlamasyn qoldaı otyryp, biz, nurotandyqtar, Qazaqstannyń jarqyn bolashaǵyna jetýdiń jolyn kórip otyrmyz. Sondyqtan bizdiń Prezıdent tapsyrǵan isterdi jáne óziniń úlgi bolýymen júzege asyryp jatqan mejelerdi oryndaý asa joǵary qurmet dep esepteımiz", - dedi Astana ákimi.
